Māteo 27:60 - Rapa Nui

⁶⁰ I a ia e ai rō ꞌā e tahi kona ꞌāpī haka rē pāpaku, kona i haka ka-karo ꞌi te māꞌea pa he piha. He maꞌu ia e Kōsē i te hakari o Ietū he haka rē ꞌi roto. I puru era i rā kona hai māꞌea nui-nui taka-taka, he eꞌa he oho.

Māteo 27:60 ပူးပေါင်းရင်းမြစ်များ

Māteo 27:59

He toꞌo ia e Kōsē i te hakari o Ietū, he viri hai tāvana rino maꞌitaki.

Māteo 27:66

He oho ia ananake ki tū kona era, he tāpaꞌo i te māꞌea puru o rā kona mo ꞌite ana haka makenu, ꞌe he haka ꞌauario ki te vaꞌehau.

Māteo 28:2

ꞌI rā hora he mākenu-kenu pūai te henua. He merahi e tahi o te ꞌAtua tū meꞌe era ko topa ꞌana mai te raŋi. He haka hāhine ki te kona haka rē i te hakari o Ietū, he kume i te māꞌea puru, ꞌe he eke he noho ꞌi ruŋa.

Ruka 24:2

I tuꞌu era ananake, he takeꞌa ko haka tapa ꞌā te māꞌea puru o rā kona.

Iovani 11:38

He haka hāhine ia a Ietū ki te kona era ꞌi ira te hakari o Rātaro koia ko haka ꞌaroha. Te kona nei he ꞌana e puru rō ꞌā hai māꞌea nui-nui e tahi.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 19:41

ꞌI tū kona veo era i a Ietū ꞌi ruŋa i te tātaurō te kona tumu e tahi. ꞌI ira te kona haka rē pāpaku, kona i ka-karo ꞌi roto i te māꞌea pa he piha, kona kai haka rē ꞌā i te pāpaku raꞌe.

Iovani 20:1

ꞌI te mahana raꞌe o te tāpati, mahana tāpati, ꞌi te pō era ꞌana kai ꞌōtea ꞌā, he oho a Māria Matarena ki te kona haka rē i te hakari o Ietū. He takeꞌa ko haka tapa ꞌā te māꞌea puru o rā kona.