Māteo 27:54 - Rapa Nui

⁵⁴ I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Māteo 27:54 ပူးပေါင်းရင်းမြစ်များ

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 27:36

I oti era he no-noho ꞌi ira he ꞌauario.

Māteo 27:40

e kī era: «¿Taꞌe ꞌō ko koe tū meꞌe kī era he haka hiŋa i te ⌊Kona Haꞌamuri ꞌAtua⌋ ꞌe e toru mahana he haka tuꞌu haka ꞌou e koe? ¡Mo ai, hoꞌi, ōꞌou he Poki o te ꞌAtua, ka haka eꞌa koe i a koe mai te ꞌati ena ꞌe ka topa mai mai ruŋa i te tātaurō!».

Māteo 27:43

Te kope ena e haka moe rō ꞌana i tōꞌona manaꞌu ꞌi ruŋa i te ꞌAtua. ¡Ka haka ora ia e te ꞌAtua ꞌi te hora ena, ana ai e haŋa mau rō ꞌā ki a ia! ¿Taꞌe ꞌō ko kī mai ꞌana he Poki a ia o te ꞌAtua?».

Māteo 27:51

ꞌI rā hora mau ꞌā te korotina o roto i te Kona Haꞌamuri ꞌAtua he paihi mai ruŋa ki raro ꞌe he topa e rua pāꞌiŋa. He mākenu-kenu te henua, ꞌe he ŋāꞌaha-ꞌaha te māꞌea,

Māteo 4:3

He haka hāhine ia a Rukifero he kī: —Ē, a koe he Poki o te ꞌAtua, ¿he aha rā koe e taꞌe haka riro ena i te ŋā māꞌea nei he haraoa?

Māteo 8:5

I tuꞌu era a Ietū ki Kaperenāū, he haka hāhine e tahi taŋata he kape o te vaꞌehau rōmano,

Marko 15:39

ꞌI muꞌa o Ietū e tahi kape o te vaꞌehau rōmano. I takeꞌa era i te huru o tōꞌona mate iŋa he kī: «He aŋi mau ꞌana ꞌō te taŋata nei he Poki o te ꞌAtua».

Ruka 22:70

He ꞌui e tū nuꞌu taꞌatoꞌa era: —Ki taꞌa kī, ¿he Poki mau ꞌā koe o te ꞌAtua? He pāhono e Ietū: —Nā e kōrua ko kī ꞌā.

Iovani 19:7

He pāhono e te nuꞌu hūrio ra-rahi: —E ai rō ꞌana te haka tere iŋa e tahi o mātou, ꞌe, ki rā haka tere, te kī o te kope e tahi he Poki a ia o te ꞌAtua he hape taparahi-taꞌata. Te ūtuꞌa mo te hape nei he tiŋaꞌi he haka mate.

Aŋa o te ꞌĀpōtoro 10:1

ꞌI te kona ko Tētārea e noho era te taŋata e tahi te ꞌīŋoa ko Koronerio, he kape o te vaꞌehau rōmano kī Nūnaꞌa Vaꞌehau o ꞌĪtāria.

Aŋa o te ꞌĀpōtoro 2:37

I ŋaroꞌa era i rā meꞌe e te nuꞌu taka-taka ꞌi tū kona era, he oꞌo te mamae ki roto i te māhatu, ꞌe he ꞌui ki a Pētero ꞌe ki te tētahi ꞌāpōtoro: —E kuā taina, ¿he aha te mātou meꞌe mo aŋa?

Aŋa o te ꞌĀpōtoro 21:32

He haka taka-taka te kōmana i tāꞌana vaꞌehau ꞌe i te nuꞌu kape, he tāhuti he oho ki tū kona era ꞌi ira rā nuꞌu. I takeꞌa era ananake i te kōmana ꞌe i te vaꞌehau, he haka rē i a Pauro, ꞌina kai tiŋaꞌi haka ꞌou.

Aŋa o te ꞌĀpōtoro 23:17

He raŋi ia e Pauro ki te kape e tahi o te vaꞌehau he kī: —Ka maꞌu koe i te poki ena ki te kōmana; nā e ai rō ꞌā tāꞌana meꞌe mo kī.

Aŋa o te ꞌĀpōtoro 23:23

He raŋi ia e te kōmana ki te kape e rua o te vaꞌehau, ꞌe he uŋa mo haka riva-riva e piti hānere vaꞌehau a raro ꞌā, e hitu ꞌahuru a ruŋa i te hoi ꞌe e piti hānere haka ꞌou e maꞌu-maꞌu rō ꞌana i te ransa, mo oho ꞌi te hora iva o te pō ki Tētārea.

Aŋa o te ꞌĀpōtoro 27:1

I tano era te mahana mo haka maꞌu i a Pauro ki ꞌĪtāria, he vaꞌai e Feto i a Pauro ꞌe i te tētahi nuꞌu puru ki te kope te ꞌīŋoa ko Hurio, he kape o te nūnaꞌa vaꞌehau e kī era O te ꞌAriki.

Aŋa o te ꞌĀpōtoro 27:43

ꞌE, ꞌi te taꞌe haŋa o te kape o te vaꞌehau mo mate o Pauro, kai haꞌatiꞌa. He kī: te nuꞌu ꞌite i te kau ka rere ki roto i te vai ka kau ki ꞌuta,

Meꞌe Haka Takeꞌa 11:13

ꞌI rā hora mau ꞌana he mākenu-kenu tahi te henua ꞌe, ꞌi te mākenu-kenu, he mārere-rere te ꞌapa e tahi o te ꞌapa e hoꞌe ꞌahuru o rā kona, ꞌe he mā-mate e hitu taꞌutini taŋata. Te nuꞌu taꞌe mā-mate era he riꞌa-riꞌa rō atu ꞌai, he ⌊huri i te manaꞌu ki te ꞌAtua⌋ ꞌi te raŋi ꞌe he haꞌamata he haꞌahana-hana ki a ia.