Māteo 27:50 - Rapa Nui

⁵⁰ He ohu pūai haka ꞌou a Ietū, ꞌe he mate.

Māteo 27:50 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 27:49

He kī e te tētahi: «Ka haka rē ki uꞌi tātou hoki e tuꞌu rō mai a ⌊ꞌĒria⌋ e toꞌo rō i a ia ꞌo mate».

Marko 15:37

He aꞌu haka ꞌou a Ietū i te reꞌo, he puhi te haŋu hopeꞌa ꞌe he mate.

Ruka 23:46

ꞌE a Ietū i haka pūai i ohu ai: «¡E Koro ōꞌoku ē, ꞌī a au he vaꞌai atu, ꞌi te hora nei, i tōꞌoku vārua ki tuꞌu rima!». I oti era te kī i te meꞌe nei he mate.

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Iovani 19:29

ꞌI rā kona e tahi karo ko ꞌī ꞌā e te vino maŋeo. He toꞌo mai he haka ruku hai meꞌe tuꞌu pa he vavai, he here ki ruŋa i te maŋa miro ꞌītopo ꞌe he haka hāhine ki te ŋutu.

Iovani 19:30

He ꞌomo-ꞌomo e Ietū ꞌe he kī: «Ko aŋa tahi ꞌana a au i tāꞌaku meꞌe mo aŋa». He noi ia te ꞌāriŋa a raro ꞌe he mate.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.