Māteo 27:48 - Rapa Nui

⁴⁸ He tahuti ia e tahi o rā nuꞌu, he toꞌo i te meꞌe tuꞌu pa he vavai, he haka ruku ki roto i te vino maŋeo, he huki ki ruŋa i te miro ꞌe he maꞌu he haka puā ki te ŋutu o Ietū mo ꞌomo-ꞌomo.

Māteo 27:48 ပူးပေါင်းရင်းမြစ်များ

Ruka 23:36

Te vaꞌehau takoꞌa e haka meꞌe-meꞌe ꞌana ki a Ietū hai vaꞌai hai ꞌava moni taꞌe rahi

Māteo 27:34

he haka unu hai vino ꞌānoꞌi hai meꞌe maŋeo ꞌo ŋaroꞌa rahi e ia i te mamae. I haka ꞌatu era e Ietū, ꞌina kai haŋa mo unu.

Māteo 27:47

Tētahi o te nuꞌu o rā kona he ŋaroꞌa he kī: «Te kope nei e ohu ꞌā ki te perofeta era ko ꞌĒria».

Māteo 27:49

He kī e te tētahi: «Ka haka rē ki uꞌi tātou hoki e tuꞌu rō mai a ⌊ꞌĒria⌋ e toꞌo rō i a ia ꞌo mate».

Marko 15:36

He tahuti e tahi o roto o rā nuꞌu, he toꞌo i te meꞌe tuꞌu pa he vavai, he haka ruku ki roto i te vino maŋeo, he huki ki ruŋa i te miro, ꞌe he maꞌu he haka puā ki te ŋutu o Ietū mo ꞌomo-ꞌomo. He kī e rā kope ki te nuꞌu o rā kona: «¡Ki haka rē nō, ki uꞌi tātou hoki e tuꞌu rō mai a ⌊ꞌĒria⌋ e haka topa rō i a ia mai ruŋa i te tātaurō!».