Māteo 27:46 - Rapa Nui

⁴⁶ ꞌI rā hora, i aꞌu a Ietū i te reꞌo i ohu ai: Elí, Elí, ¿lemá sabactani? (Te haꞌaauraꞌa o te vānaŋa nei: «E tōꞌoku ꞌAtua ē, e tōꞌoku ꞌAtua ē, ¿he aha koe i haka rē ai i a au hoko tahi nō?»).

Māteo 27:46 ပူးပေါင်းရင်းမြစ်များ

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

Marko 15:34

ꞌI rā hora i aꞌu a Ietū i te reꞌo i ohu ai: Eloí, Eloí, ¿lemá sabactani? (Te haꞌaauraꞌa o te vānaŋa nei: «E tōꞌoku ꞌAtua ē, e tōꞌoku ꞌAtua ē, ¿he aha a koe i haka rē ai i a au hoko tahi nō?»).

Ruka 23:46

ꞌE a Ietū i haka pūai i ohu ai: «¡E Koro ōꞌoku ē, ꞌī a au he vaꞌai atu, ꞌi te hora nei, i tōꞌoku vārua ki tuꞌu rima!». I oti era te kī i te meꞌe nei he mate.

Māteo 27:47

Tētahi o te nuꞌu o rā kona he ŋaroꞌa he kī: «Te kope nei e ohu ꞌā ki te perofeta era ko ꞌĒria».