Māteo 27:42 - Rapa Nui

⁴² «Ko haka eꞌa ꞌana i te tētahi taŋata mai roto i te rāua ꞌati, ꞌe, ¿e ko ravaꞌa mo haka ora i a ia mau era ꞌā? ¿Taꞌe ꞌō he ꞌAriki o te itaraera? ¡Mo topa mai ōꞌona mai ruŋa i te tātaurō, he haka moe mātou i te manaꞌu ꞌi ruŋa i a ia!

Māteo 27:42 ပူးပေါင်းရင်းမြစ်များ

Māteo 2:2

He ꞌui: «¿ꞌI hē rō te ꞌariki poreko nei o te ⌊hūrio⌋? Ko takeꞌa ꞌana e mātou te eꞌa iŋa o tōꞌona hetuꞌu. I oho mai nei a mātou mo haꞌamuri ki a ia».

Māteo 27:37

A ruŋa o tōꞌona pūꞌoko i huki ai e tahi miro pararaha e pāpaꞌi rō ꞌana he aha te tumu o tōꞌona ūtuꞌa. E hāꞌaki era: «Ko Ietū nei, he ꞌAriki o te hūrio».

Māteo 27:40

e kī era: «¿Taꞌe ꞌō ko koe tū meꞌe kī era he haka hiŋa i te ⌊Kona Haꞌamuri ꞌAtua⌋ ꞌe e toru mahana he haka tuꞌu haka ꞌou e koe? ¡Mo ai, hoꞌi, ōꞌou he Poki o te ꞌAtua, ka haka eꞌa koe i a koe mai te ꞌati ena ꞌe ka topa mai mai ruŋa i te tātaurō!».

Māteo 27:41

Te nuꞌu oromatuꞌa ra-rahi, te ⌊maꞌori o te haka tere hūrio⌋ ꞌe te nuꞌu pūꞌoko haka tere hūrio ꞌai e haka meꞌe-meꞌe takoꞌa era:

Marko 15:31

Te nuꞌu oromatuꞌa ra-rahi ꞌe te maꞌori o te haka tere hūrio ꞌai e haka ka-kata era: «Ko haka eꞌa ꞌana i te tētahi taŋata mai roto i te rāua ꞌati, ꞌe, ¿e ko ravaꞌa mo haka eꞌa i a ia mau ꞌā?

Marko 15:32

¡Ka topa, hoꞌi, te ⌊Kiritō⌋, te ꞌAriki o Itaraera, mai ruŋa i te tātaurō, ki takeꞌa mai ꞌe ki haka moe ai te mātou manaꞌu ꞌi ruŋa i a ia!». ꞌE, takoꞌa, i vā-vā rō i a Ietū e tū ŋā kope veo era ꞌi tupuꞌaki ōꞌona.

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Ruka 23:35

ꞌI ira te nuꞌu e uꞌi ꞌana; ꞌe te nuꞌu ra-rahi e haka ka-kata ꞌā: «Ko haka eꞌa ꞌana i te tētahi taŋata mai roto i te rāua ꞌati. Mo ai he ⌊Kiritō⌋ mau ꞌā ꞌe o te ꞌAtua i uŋa mai, ka haka ora i a ia ꞌā ꞌi te hora nei».

Ruka 23:37

ꞌe hai kī pē nei ē: «¡Mo ai ōꞌou he ꞌAriki o te hūrio, ka haka ora koe i a koe ꞌā!».

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Iovani 12:47

»Te kope ŋaroꞌa i tāꞌaku vānaŋa ꞌe ꞌina he haꞌatura, taꞌe māꞌaku e haka ūtuꞌa. Taꞌe, paꞌi, a au i oho mai ai mo haka ūtuꞌa i te taŋata o te ao; i oho mai ai mo haka eꞌa mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.

Aŋa o te ꞌĀpōtoro 4:14

ꞌI muri i a kuā Pētero tū kope haka ora era, ꞌo ira kai tano rā nuꞌu mo tuhi e tahi meꞌe.