Māteo 27:35 - Rapa Nui

³⁵ I oti era te veo ꞌi ruŋa i te tātaurō, he pere e te vaꞌehau i te kahu o Ietū mo uꞌi ki a ai ki a ai ana topa.

Māteo 27:35 ပူးပေါင်းရင်းမြစ်များ

Ruka 23:34

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.

Iovani 20:27

He kī ia e Ietū ki a Tōmā: —Ka oho mai ka uꞌi tōꞌoku rima. Ka ha-haꞌo hai maŋa-maŋa rima ena ōꞌou ꞌe ꞌai ka haka toro rō mai tuꞌu rima ki roto i tōꞌoku rehe-rehe. ¡ꞌIna ko ꞌaka-ꞌaka haka ꞌou te manaꞌu; ko au mau ꞌā te meꞌe nei!

Iovani 20:20

I kī era i te meꞌe nei, he haka takeꞌa i tōꞌona rima ꞌe i tōꞌona rehe-rehe. He toꞌo rō atu ꞌai te koa o tū nuꞌu era ꞌo te takeꞌa haka ꞌou i a Ietū.

Iovani 20:25

He ꞌaꞌamu ia e te tētahi nuꞌu hāpī: —Ko takeꞌa ꞌana e mātou i a Ietū. He pāhono e Tōmā: —Mo taꞌe takeꞌa e au te pū o te veo ꞌi tōꞌona rima, ꞌe mo taꞌe haka puā e au hai maŋa-maŋa rima ki rā kona ꞌe ki tōꞌona rehe-rehe, taꞌe he parautiꞌa mōꞌoku te ꞌaꞌamu ena o kōrua.

Aŋa o te ꞌĀpōtoro 2:23

I vaꞌai atu ai ki a kōrua mo haka tano o te aŋa manaꞌu ꞌāꞌana ꞌi muꞌa ꞌā; pē ira kōrua i haka tiŋaꞌi ai ꞌi ruŋa i te tātaurō hai rima o te taŋata taꞌe he hūrio.