Māteo 27:29 - Rapa Nui

²⁹ He huki a te pūꞌoko hai hei i aŋa hai maŋa-maŋa o te tiare pū-pū ꞌe he vaꞌai e tahi miro ki te rima mataꞌu. I oti era he tū-turi te vaꞌehau ꞌi muꞌa o Ietū ꞌe he haka meꞌe-meꞌe he kī: «¡¿Pē hē te ꞌAriki o te hūrio?!».

Māteo 27:29 ပူးပေါင်းရင်းမြစ်များ

Māteo 20:19

ꞌe e vaꞌai rō ki te nuꞌu taꞌe he hūrio mo haka ka-kata, mo tiŋaꞌi hai ꞌuaka ꞌe mo veo ꞌi ruŋa i te tātaurō; ꞌe, ꞌi te toru mahana, he ora haka ꞌou».

Māteo 26:49

He haka hāhine a Hura ki a Ietū he ꞌui: —¿Pē hē koe, e te Maꞌori ē? ꞌE he hoŋi a te ꞌāriŋa.

Māteo 27:37

A ruŋa o tōꞌona pūꞌoko i huki ai e tahi miro pararaha e pāpaꞌi rō ꞌana he aha te tumu o tōꞌona ūtuꞌa. E hāꞌaki era: «Ko Ietū nei, he ꞌAriki o te hūrio».

Marko 15:17

He toꞌo mai e te vaꞌehau he patu i te kahu o Ietū ꞌe he haka puꞌa hai kapa mea-mea ꞌuri, ꞌe ki te pūꞌoko i huki ai hai hei i aŋa hai maŋa-maŋa o te tiare pū-pū.

Marko 15:18

I oti era he haꞌamata he haka meꞌe-meꞌe: «¡Pē hē te ꞌAriki o te hūrio!».