Māteo 27:27 - Rapa Nui

²⁷ He maꞌu he raꞌe e te vaꞌehau i a Ietū ki te kona e tahi o roto i te hare o te suerekao. ꞌI ira i haka taka-taka ai i te vaꞌehau ꞌe he haka vari tahi i a Ietū.

Māteo 27:27 ပူးပေါင်းရင်းမြစ်များ

Māteo 26:3

ꞌI rā hora mau ꞌā ꞌi te hare o Kaifā, he ⌊oromatuꞌa hopeꞌa o te ra-rahi⌋, he taka-taka tahi te oromatuꞌa ra-rahi ꞌe te nuꞌu pūꞌoko haka tere ⌊hūrio⌋

Iovani 18:28

He maꞌu ia i a Ietū mai te hare o Kaifā ki te hare o Pirato, he suerekao rōmano. I tuꞌu era ko hāhine ꞌana mo ꞌōtea. Te nuꞌu hūrio, ꞌo hape ki te rāua haka tere iŋa o ruŋa i te haka maꞌitaki ꞌe ꞌo taꞌe tano mo kai i te kai o te Pakate, kai uru ki roto.

Iovani 18:3

He tuꞌu ia a Hura e uŋa rō ꞌana ꞌi muri i a ia i te nūnaꞌa vaꞌehau rōmano ꞌe i te tētahi ꞌauario o te ⌊Kona Haꞌamuri ꞌAtua⌋ uŋa e te nuꞌu ⌊oromatuꞌa ra-rahi⌋ ꞌe e te fariseo. Te nuꞌu nei e maꞌu-maꞌu rō ꞌana i te hoe ꞌe i te tētahi atu meꞌe mo moto koia ko hakariꞌi ꞌe ko rama.

Iovani 18:33

He uru ia a Pirato ki roto i te hare, he kī ki te vaꞌehau mo maꞌu i a Ietū ki muꞌa i a ia, ꞌe he ꞌui: —¿He ꞌAriki koe o te hūrio?

Aŋa o te ꞌĀpōtoro 10:1

ꞌI te kona ko Tētārea e noho era te taŋata e tahi te ꞌīŋoa ko Koronerio, he kape o te vaꞌehau rōmano kī Nūnaꞌa Vaꞌehau o ꞌĪtāria.

Aŋa o te ꞌĀpōtoro 23:35

he kī: «Ki tuꞌu mai te nuꞌu horo i a koe, ka haka roŋo ena a au i te rāua ture mōꞌou». He kī ia mo puru i a Pauro ꞌi roto i te hare aŋa e ⌊ꞌErore⌋ ꞌe mo ꞌauario.

Aŋa o te ꞌĀpōtoro 27:1

I tano era te mahana mo haka maꞌu i a Pauro ki ꞌĪtāria, he vaꞌai e Feto i a Pauro ꞌe i te tētahi nuꞌu puru ki te kope te ꞌīŋoa ko Hurio, he kape o te nūnaꞌa vaꞌehau e kī era O te ꞌAriki.