Māteo 27:25 - Rapa Nui

²⁵ He pāhono e te taŋata taꞌatoꞌa: —¡Mo mātou ia ꞌe mo te mātou ŋā poki te hape o te mate o te taŋata ena!

Māteo 27:25 ပူးပေါင်းရင်းမြစ်များ

Māteo 21:44

ꞌE tū māꞌea kī atu ena e au, te kope viri a ruŋa he ꞌota-ꞌota; ꞌe mo viri o rā māꞌea ki ruŋa, he piꞌi-piꞌi tahi.

Aŋa o te ꞌĀpōtoro 18:6

He haꞌamata rā nuꞌu he riri ꞌe he vā-vā i a Pauro. He tū-tū ia a Pauro i te puŋaꞌehu mai ruŋa i tōꞌona kahu mo haka ꞌite ki rā nuꞌu: taꞌe ōꞌona te hape mo haka ūtuꞌa i a rāua e te ꞌAtua, o rāua ꞌā. ꞌE he kī: mai rā hora pe muꞌa he oho a ia ki te nuꞌu taꞌe he hūrio.

Aŋa o te ꞌĀpōtoro 5:28

—Ko kī atu ꞌana a mātou mo taꞌe hāpī haka ꞌou o kōrua e tahi meꞌe o ruŋa i te taŋata era ko Ietū. ꞌE, ¿he aha te kōrua meꞌe i aŋa? He ꞌata haka ꞌite he oho o ruŋa i a ia ki te taŋata taꞌatoꞌa ꞌi nei ꞌi Hērutarema, ꞌe ko haŋa takoꞌa ꞌana a kōrua mo tuhi mai i tōꞌona mate ki a mātou.

Aŋa o te ꞌĀpōtoro 7:52

¿Ko ai o roto o te perofeta taꞌatoꞌa i taꞌe tōtōā e te kōrua tupuna? ꞌĀtā ko tiŋaꞌi ko haka mate ꞌana e rāua i te nuꞌu vānaŋa o ruŋa i te tuꞌu iŋa mai o te taŋata aŋa i te meꞌe tī-tika ꞌe ꞌina he hape, ꞌe ko tuꞌu mai ꞌā rā taŋata. »I tuꞌu mai era, he toꞌo mai e kōrua he vaꞌai ki te rima o te nuꞌu taꞌe haŋa ki a ia ꞌe he haka tiŋaꞌi he haka mate.