Māteo 27:24 - Rapa Nui

²⁴ I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Māteo 27:24 ပူးပေါင်းရင်းမြစ်များ

Māteo 26:5

ꞌE tētahi o rāua e kī era: «ꞌIna ko ꞌa-ꞌaru ꞌi te ŋā mahana ena o te ŋoŋoro, ꞌo tātake ꞌe ꞌo moto te taŋata».

Māteo 27:19

E noho nō ꞌā a Pirato ꞌi te kona ture, i tuꞌu ai te roŋo o tāꞌana viꞌe pē nei ē: «ꞌIna koe ko aŋa e tahi meꞌe ki te taŋata taꞌe hara ena. I moe vārua rō, paꞌi, a au o ruŋa i a ia ꞌi te pōꞌā ꞌe he huru kē rō atu ꞌai a au».

Māteo 27:23

He kī e Pirato: —¿He aha tāꞌana meꞌe taꞌe tano i aŋa? He kī haka ꞌou e tū nuꞌu era i ꞌata haka pūai te reꞌo: —¡Ka veo ꞌi ruŋa i te tātaurō!

Māteo 27:4

he kī: —Ko hara ꞌana a au ꞌo te vaꞌai atu i te taŋata ꞌina e tahi ōꞌona hape mo tiŋaꞌi mo haka mate. He pāhono e rā nuꞌu: —Taꞌe he meꞌe o mātou. ¡Ōꞌou ꞌā tuꞌu ꞌati!

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Māteo 27:9

Pē nei i tano ai te meꞌe kī e te perofeta era ko Heremia: «He toꞌo i rā toru ꞌahuru tara ꞌaurī era, he moni haꞌaꞌau e te itaraera mo ꞌauhau mo rā taŋata,

Iovani 13:9

He kī e Pētero: —¡Mo ai ia pē ira, taꞌe nō he vaꞌe taꞌa meꞌe mo haka hopu mai; ka haka hopu takoꞌa mai tōꞌoku rima ꞌe tōꞌoku pūꞌoko!

Iovani 19:4

He eꞌa haka ꞌou a Pirato, he vānaŋa ki tū nuꞌu maꞌu era i a Ietū ꞌe he kī: «ꞌĪ a au ko maꞌu haka ꞌou mai ꞌana i a ia mo ꞌite e kōrua: ꞌina e tahi meꞌe taꞌe tano ōꞌona i ravaꞌa e au».

Aŋa o te ꞌĀpōtoro 3:14

Kai haŋa a kōrua mo kī mo haka eꞌa i te taŋata aŋa i te meꞌe tī-tika ꞌe ꞌina he hara; he taŋata taparahi-taꞌata i haŋa e kōrua mo haka eꞌa.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.