Māteo 27:19 - Rapa Nui

¹⁹ E noho nō ꞌā a Pirato ꞌi te kona ture, i tuꞌu ai te roŋo o tāꞌana viꞌe pē nei ē: «ꞌIna koe ko aŋa e tahi meꞌe ki te taŋata taꞌe hara ena. I moe vārua rō, paꞌi, a au o ruŋa i a ia ꞌi te pōꞌā ꞌe he huru kē rō atu ꞌai a au».

Māteo 27:19 ပူးပေါင်းရင်းမြစ်များ

Māteo 1:20

Ko manaꞌu ꞌā mo aŋa ꞌi rā meꞌe, i oꞌo rō ai e tahi merahi o te ꞌAtua ꞌi roto i tōꞌona moe vārua he kī: «E Kōsē, hakaara o te ꞌariki ko Tāvita ē, ꞌina koe ko riꞌa-riꞌa mo hāipo-ipo ki a Māria. Te poki ena ꞌāꞌana o te Vārua Maitai i haka tupu.

Māteo 2:19

I mate era a ꞌErore, he oꞌo haka ꞌou te merahi o te ꞌAtua ꞌi roto i te moe vārua ki a Kōsē ꞌi Ehipto ꞌe he kī:

Māteo 2:22

I ꞌite era he poki ꞌa ꞌErore, ko Arakerao, te suerekao o Hūrea, he riꞌa-riꞌa mo noho ꞌi ira. He haka ꞌite ia e te ꞌAtua ꞌi roto i te moe vārua mo taꞌe noho ꞌi rā kona. ꞌO ira i eꞌa i oho ai ki Karirea, he kona haka ꞌou o Itaraera.

Māteo 27:18

A Pirato, paꞌi, ko ꞌite ꞌā i vaꞌai ai i a Ietū ki a ia e tū nuꞌu ra-rahi era o te hūrio he mākota ꞌo te ai e haka roŋo rō ꞌā e te taŋata.

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Māteo 27:4

he kī: —Ko hara ꞌana a au ꞌo te vaꞌai atu i te taŋata ꞌina e tahi ōꞌona hape mo tiŋaꞌi mo haka mate. He pāhono e rā nuꞌu: —Taꞌe he meꞌe o mātou. ¡Ōꞌou ꞌā tuꞌu ꞌati!

Ruka 23:41

Te ūtuꞌa nei e tano rō ꞌā mo tāua, he ꞌauhau o te meꞌe taꞌe tano aŋa. ꞌE te taŋata ena ꞌina e tahi ōꞌona hape.

Ruka 23:47

I takeꞌa era e te kape o te rōmano i rā meꞌe, he haꞌahana-hana ki te ꞌAtua ꞌe he kī: «He aŋi ꞌā tū taŋata nei taŋata hape kore».

Iovani 19:13

I ŋaroꞌa era e Pirato, he haka maꞌu i a Ietū ki haho, ꞌe he oho he noho ꞌi ruŋa i te pepe ꞌi te kona ꞌi ira e ture era te ꞌīŋoa ko Te Kona Papa hai Māꞌea, ꞌi te ꞌarero ⌊ꞌevereo⌋ ko Kavatā.

Aŋa o te ꞌĀpōtoro 12:21

He hāꞌaki ia e ꞌErore ꞌi te mahana. I tano era rā mahana he uru i tōꞌona kahu ŋoŋoro, he noho ꞌi ruŋa i tōꞌona pepe ꞌariki o roto i te hare ture ꞌe he tātara ki te nuꞌu.

Aŋa o te ꞌĀpōtoro 18:12

ꞌI te hora ko Karione te suerekao o Ākāia, he ꞌa-ꞌaru i a Pauro e te nuꞌu hūrio taꞌe haka moe i te manaꞌu ꞌi ruŋa i a Ietū ꞌe he maꞌu ki te hare ture pa he meꞌe haꞌaꞌau e rāua.

Aŋa o te ꞌĀpōtoro 18:16

ꞌE he tū-tute e Karione i tū nuꞌu era mai roto i te hare ture.

Aŋa o te ꞌĀpōtoro 18:17

He ꞌa-ꞌaru ia e te nuꞌu taka-taka o haho o rā kona i a Tōtene, he pūꞌoko haka tere e tahi o te hare pure hūrio, he tiŋaꞌi ki te piꞌi-piꞌi ꞌi muꞌa o tū hare ture mau era ꞌā, ꞌe kai tapa atu e te suerekao.

Aŋa o te ꞌĀpōtoro 25:10

He pāhono e Pauro: —A au e noho atu ena ꞌi muꞌa o te kona ture o te ꞌariki rōmano, he kona ꞌi ira ana ture mai. A koe e ꞌite riva-riva rō ꞌā ꞌina e tahi ꞌāꞌaku meꞌe taꞌe tano i aŋa ki te hūrio.

Aŋa o te ꞌĀpōtoro 25:17

ꞌI te rua mahana ꞌā o te tuꞌu mai o rā nuꞌu ki nei, he uru a au he noho ꞌi roto i te hare ture mo maꞌu i te ture horo mai e rāua ꞌe he uŋa e au mo maꞌu mai i rā taŋata.

Aŋa o te ꞌĀpōtoro 25:6

I noho ai a Feto ꞌi Hērutarema e vaꞌu ꞌo e hoꞌe ꞌahuru mahana, ꞌe ꞌai ka eꞌa ka hoki ki Tētārea. ꞌI te rua mahana o tōꞌona tuꞌu ki ira, he uru ki roto i te hare ture, he noho mo maꞌu i te ture horo ki a ia ꞌe he uŋa mo maꞌu i a Pauro.

1 Pētero 2:22

Kai hara te ⌊Kiritō⌋ ꞌe kai reo-reo ki te hora hopeꞌa.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.