Māteo 26:74 - Rapa Nui

⁷⁴ He kī e Pētero: —¡He hōrea atu au hai ꞌīŋoa o te ꞌAtua, kai ꞌite a au ko ai te taŋata ena, ꞌe ka hoa a au ki roto i te pōꞌauahi mo ai e reo-reo atu ꞌana a au! ꞌI rā hora mau ꞌana he ꞌoꞌoa te moa.

Māteo 26:74 ပူးပေါင်းရင်းမြစ်များ

Māteo 10:28

ꞌIna kōrua ko riꞌa-riꞌa ꞌi te nuꞌu he hakari nō te meꞌe o rāua mo ravaꞌa mo tiŋaꞌi mo haka mate, taꞌe he vārua o kōrua; ka riꞌa-riꞌa ꞌi te ꞌAtua, he kope i a ia te parau mo hoa i te hakari ararua ko te vārua ki roto i te pōꞌauahi.

Māteo 26:34

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te moa, ka kī ena koe ki te nuꞌu e toru kī iŋa kai ꞌite koe ko ai a au.

Māteo 26:73

Ko hini atu ꞌā, he haka hāhine ki a Pētero te nuꞌu māroa o rā kona he kī: —He parautiꞌa mau ꞌā a koe o roto o rā nuꞌu; hai huru o tuꞌu vānaŋa iŋa e aŋi-aŋi ena.

Māteo 26:75

He topa te manaꞌu o Pētero ki tū meꞌe kī era e Ietū: «E ko ꞌoꞌoa hia te moa ka kī rō ena e koe e toru kī iŋa kai ꞌite koe ko ai a au». He eꞌa ia a Pētero he oho mai tū kona era, ꞌe he toꞌo rō atu ꞌai te taŋi.

Māteo 27:25

He pāhono e te taŋata taꞌatoꞌa: —¡Mo mātou ia ꞌe mo te mātou ŋā poki te hape o te mate o te taŋata ena!

Marko 14:30

He kī e Ietū: —ꞌArīnā mau nei ꞌā ꞌi te pō, e ko ꞌoꞌoa hia te rua ꞌoꞌoa iŋa o te moa, ka kī rō ena koe ki te nuꞌu e toru kī iŋa kai ꞌite koe ko ai a au.

Marko 14:68

He kī e Pētero: —ꞌIna a au kai ꞌite ko ai te kope ena, ꞌe kai ꞌite a au he aha taꞌa meꞌe e vānaŋa mai ena. He oho a Pētero ki muri i te ꞌōpani. He ꞌoꞌoa ia te reꞌo o te moa.

Ruka 22:60

He kī haka ꞌou e Pētero: —Ē, kai ꞌite a au he aha taꞌa meꞌe ena e kī mai ena. ꞌI tū hora mau era ꞌana, e vānaŋa nō ꞌā a Pētero, he ꞌoꞌoa te moa.

Iovani 18:27

Taꞌe ko ia rā meꞌe i kī haka ꞌou ai e Pētero. ꞌE ꞌi rā hora mau ꞌā i ꞌoꞌoa ai te moa.

Rōmano 9:3

mo tōꞌoku taina he itaraera. ꞌĀhani hai vaꞌai ōꞌoku i a au mo haka ūtuꞌa e te ꞌAtua, ꞌe hai haꞌataꞌa ōꞌoku i a au mai te ⌊Kiritō⌋ he riva a au mo hāꞌūꞌū ki a rāua mo ⌊haka moe i te manaꞌu⌋ ꞌi ruŋa i a Ietū, ko meꞌe era ꞌana e au.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

Meꞌe Haka Takeꞌa 3:19

’A au e ture e haka tī-tika rō ꞌā i te nuꞌu taꞌatoꞌa haŋa e au. ꞌO ira, ka hārui haka ꞌou tuꞌu manaꞌu ki te ꞌAtua ꞌe ꞌai ka haꞌatura rō hai māhatu.