Māteo 26:70 - Rapa Nui

⁷⁰ ꞌI muꞌa o te taꞌatoꞌa a Pētero i ꞌina ai ꞌe he kī: —Kai ꞌite a au he aha taꞌa meꞌe e kī mai ena.

Māteo 26:70 ပူးပေါင်းရင်းမြစ်များ

Māteo 26:51

E tahi kope o roto o te nuꞌu ꞌa Ietū he kume i tāꞌana hoe, he paꞌo i te tariŋa o te tāvini o te oromatuꞌa hopeꞌa o te ra-rahi.

Māteo 26:56

Te meꞌe taꞌatoꞌa nei i topa ai mo tano ki te meꞌe kī e te perofeta ꞌi ruŋa i te Pāpaꞌi Moꞌa. ꞌI tū hora mau era ꞌā, he hoa i a Ietū e tāꞌana nuꞌu hāpī taꞌatoꞌa ꞌe he tē-tere.

Māteo 26:58

A Pētero ia i haka ꞌava-ꞌava i oho ai ꞌi tuꞌa o rā nuꞌu ꞌātā ka tuꞌu rō ki tū hare era. He uru ki te kona o haho ꞌā, he noho ꞌi muri i te ꞌauario mo uꞌi pē hē rā meꞌe ka hopeꞌa era.

Māteo 26:69

E noho nō ꞌana a Pētero ꞌi haho o te hare o tū oromatuꞌa hopeꞌa era o te ra-rahi, he haka hāhine e tahi viꞌe tāvini he kī: —Ē, a koe o roto i te nuꞌu oho ꞌi muri i a Ietū era o Karirea.

Māteo 26:71

I hini ꞌiti era he oho ki muri i te ꞌōpani. ꞌI ira i takeꞌa ai i a Pētero e te rua viꞌe tāvini he kī ki te tētahi nuꞌu: —Te taŋata era o muri o kuā Ietū era o Nātāreta.

Ruka 22:57

He kī e Pētero: —Kai ꞌite a au ko ai te kope ena.

Rōmano 11:20

He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

1 Kōrinto 10:12

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».