Māteo 26:55 - Rapa Nui

⁵⁵ He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Māteo 26:55 ပူးပေါင်းရင်းမြစ်များ

Māteo 21:23

I oti era te meꞌe nei, he uru a Ietū ki roto i te Kona Haꞌamuri ꞌAtua. E hāpī nō ꞌana ꞌi roto, he haka hāhine te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌe he ꞌui: —¿ꞌA ꞌai i vaꞌai atu i te parau mo aŋa ōꞌou i te ŋā meꞌe ena e koe e aŋa ena?

Māteo 26:47

E vānaŋa nō ꞌā a Ietū ki tū nuꞌu era, i tuꞌu ai a Hura, he kope o roto o te hoꞌe ꞌahuru mā piti nuꞌu hāpī ꞌāꞌana. ꞌI muri i oho takoꞌa ai meꞌe rahi taŋata e maꞌu-maꞌu rō ꞌā i te hoe ꞌe i te miro, i uŋa e te nuꞌu oromatuꞌa ra-rahi ꞌe e te nuꞌu pūꞌoko haka tere hūrio.

Marko 10:1

He eꞌa a Ietū mai Kaperenāū, he oho ki Hūrea ꞌe ki te rua pāꞌiŋa o te rio ko Horotana. ꞌI ira te taŋata i taka-taka haka ꞌou ai, ꞌe he haꞌamata a Ietū he hāpī, pa he meꞌe rava aŋa e ia.

Marko 12:35

E hāpī nō ꞌā a Ietū ꞌi te Kona Haꞌamuri ꞌAtua, he kī: «Ko ꞌite ꞌana a kōrua: te maꞌori o te haka tere hūrio e kī rō ꞌana: mai i a ⌊Tāvita⌋ te Kiritō ka haka ara ena.

Ruka 19:47

Paurō te mahana e hāpī era a Ietū ꞌi te Kona Haꞌamuri ꞌAtua. Te nuꞌu ra-rahi o te ⌊oromatuꞌa⌋, te nuꞌu ⌊maꞌori o te haka tere hūrio⌋, ꞌe te nuꞌu ra-rahi o rā kona e kimi rō ꞌā i te rāveꞌa mo tiŋaꞌi mo haka mate i a Ietū.

Ruka 20:1

E tahi mahana, e haka ꞌite ꞌana a Ietū i te ⌊roŋo riva-riva o te ꞌAtua⌋ ki te taŋata ꞌi te Kona Haꞌamuri ꞌAtua, he tuꞌu te nuꞌu ra-rahi o te ⌊oromatuꞌa⌋, te ⌊maꞌori o te haka tere hūrio⌋ ꞌe te nuꞌu pūꞌoko haka tere hūrio,

Ruka 4:20

He puru a Ietū i tū puka era, he vaꞌai ki te taŋata hāꞌūꞌū ꞌi te aŋa o roto i te hare pure ꞌe he noho. Te nuꞌu taꞌatoꞌa o ira ko te uꞌi iŋa ꞌana a ruŋa.

Iovani 7:14

E hitu mahana o rā ŋoŋoro era he rāmā. ꞌI vāeŋa o rā ŋā mahana, he oho a Ietū he uru ki roto i te ⌊Kona Haꞌamuri ꞌAtua⌋ he haꞌamata he hāpī.

Iovani 7:28

A Ietū e hāpī ꞌana ꞌi te Kona Haꞌamuri ꞌAtua. I ŋaroꞌa era i tū meꞌe era, he haka pūai i te reꞌo ꞌai ka kī: «¿Ko ꞌite mau ꞌana ꞌō kōrua ko ai a au ꞌe mai hē a au i oho mai ai? Taꞌe hai manaꞌu ōꞌoku au i oho mai ai, hai manaꞌu o te kope uŋa mai i a au, kope aŋa i tāꞌana meꞌe kī, ꞌe ꞌina kōrua kai māhani i a ia.

Iovani 8:2

ꞌI te rua mahana ꞌi te pō era ꞌā, he hoki ki te Kona Haꞌamuri ꞌAtua. He haka hāhine ia te taŋata, ꞌe he noho a Ietū he hāpī.

Iovani 8:20

Te meꞌe nei i kī ai e Ietū ꞌi te hora hāpī ꞌi te Kona Haꞌamuri ꞌAtua, hāhine ki te ꞌavahata haka rē moni. ꞌE, ꞌina e tahi nuꞌu i ꞌa-ꞌaru i a Ietū ꞌi te meꞌe era kai tano ꞌā tōꞌona hora.