Māteo 26:52 - Rapa Nui

⁵² He kī e Ietū: —Ka haka hoki taꞌa hoe ena ki tōꞌona kona. Te taŋata taꞌatoꞌa moto hai hoe hai hoe ka mate ena.

Māteo 26:52 ပူးပေါင်းရင်းမြစ်များ

Meꞌe Haka Takeꞌa 13:10

«Te nuꞌu ena mo puru, e maꞌu e puru rō; ꞌe te nuꞌu ena mo mate hai hoe, hai hoe ka mate ena». ꞌO ira, te nuꞌu haꞌataꞌa e te ꞌAtua māꞌana e ꞌite mo ꞌamo i te ꞌati topa ꞌi ruŋa i a rāua, ꞌe e haka moe e oho te manaꞌu ꞌi ruŋa i a Ietū.

Rōmano 12:19

E te taina, ꞌina ko kimi i te rāveꞌa mo haka ūtuꞌa i te nuꞌu aŋa atu i te meꞌe taꞌe tano; e haka rē mo te ꞌAtua a rāua e haka ūtuꞌa. E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Māꞌaku mau nō e haka ūtuꞌa i te taŋata, ꞌe māꞌaku e haka ꞌauhau i te rāua meꞌe taꞌe tano aŋa, he kī iŋa nei o te ꞌAtua».

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

Meꞌe Haka Takeꞌa 16:6

A rāua, paꞌi, i haka pariŋi rō i te toto o te perofeta ꞌe o te nuꞌu haꞌataꞌa e koe māꞌau, ꞌe, hora nei, ko haka unu ꞌā e koe hai toto. ¡He ūtuꞌa tano mo rāua!».

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

Māteo 5:39

ꞌE, ꞌī a au he kī atu: ꞌina koe ko haka hoki hai meꞌe taꞌe tano ki te meꞌe taꞌe tano aŋa atu e te rua. Te meꞌe mau ꞌāꞌau mo aŋa ko te meꞌe nei: mo puꞌa atu o te kope e tahi i tuꞌu pāꞌiŋa ꞌāriŋa mataꞌu, e vaꞌai te rua pāꞌiŋa.