Māteo 26:45 - Rapa Nui

⁴⁵ He hoki ia ki te kona ꞌi ira tū nuꞌu era ꞌe he kī: «¿E hāꞌuru ꞌana a kōrua e haka ora ꞌā? Ko tano ꞌā te hora o te Poki o te taŋata mo vaꞌai ki te rima o te nuꞌu hara.

Māteo 26:45 ပူးပေါင်းရင်းမြစ်များ

Māteo 26:18

He pāhono e Ietū: —Ka oho ki Hērutarema, ki te hare o te kope ko ꞌite ꞌā e kōrua ko ai, ꞌai ka kī rō: «Te kī o te Maꞌori: “Ko hāhine ꞌana tōꞌoku hora. ꞌĪ a au he oho atu ki tuꞌu hare ananake ko tāꞌaku nuꞌu hāpī mo aŋa i te ŋoŋoro o te Pakate”».

Māteo 26:2

«Ko ꞌite ꞌana a kōrua: e rua mahana toe mo te ⌊ŋoŋoro o te Pakate⌋, ꞌe te ⌊Poki o te taŋata⌋ he vaꞌai ki te rima o te nuꞌu mo veo ꞌi ruŋa i te tātaurō».

Māteo 26:44

He haka rē ia i rā nuꞌu, he hoki he pure te toru pure iŋa, ꞌe ko tū vānaŋa ꞌā i kī ai.

Māteo 26:46

Ka eꞌa ki ruŋa ki oho rō tātou. Nā ko hāhine mai ꞌā tū kope era mo vaꞌai i a au ki te rima o te nuꞌu ra-rahi».

Marko 14:35

He haka ꞌava-ꞌava a Ietū a muꞌa, he tū-turi, he noi ꞌātā ka puā rō te tira ki te ꞌōꞌone, ꞌe he ani ki te ꞌAtua mo taꞌe topa o tū ꞌati era.

Ruka 22:53

Paurō te mahana ꞌi muri i a kōrua ꞌana a au ꞌi te Kona Haꞌamuri ꞌAtua, ꞌe ꞌina kōrua he ꞌa-ꞌaru i a au. ꞌE, hora mau nei ꞌā he pō, he hora o kōrua, he hora o Rukifero».

Iovani 12:23

He kī ia e Ietū: «Ko tano ꞌā te hora mo haka takeꞌa i te pūai ꞌe i te nui-nui o te ⌊Poki o te taŋata⌋.

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.