Māteo 26:41 - Rapa Nui

⁴¹ E ꞌa-ꞌara e pure ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō he taꞌe pūai o kōrua».

Māteo 26:41 ပူးပေါင်းရင်းမြစ်များ

Māteo 24:42

»ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Māteo 26:38

He kī: «E rahi rō ꞌana te māui-ui ŋaroꞌa e au ꞌi roto i tōꞌoku māhatu ꞌi te ꞌati ka topa mai ena. Ka no-noho kōrua ꞌi nei; e uꞌi ꞌo hāꞌuru rō».

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Marko 14:38

E ꞌa-ꞌara e pure kōrua ꞌo hara. Nā ꞌi roto i a kōrua te haŋa mo aŋa i te meꞌe riva-riva, te ꞌino nō, he pūai kore o kōrua».

Ruka 11:4

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua. ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara».

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Ruka 22:40

I tuꞌu era ki rā kona he kī e Ietū: «Ka pure ꞌo aŋa kōrua i te meꞌe taꞌe tano ꞌi te hora ka haka ꞌatu atu ena».

Ruka 22:46

He kī: «¿He aha kōrua i hāꞌuru ai? Ka eꞌa ki ruŋa ka pure, ꞌo aŋa kōrua i te meꞌe taꞌe tano ꞌi te hora ka haka ꞌatu atu ena».

Ruka 8:13

»Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

1 Kōrinto 9:27

ꞌIna a au he haꞌatiꞌa mo haka tere mai i a au e tōꞌoku hakari; ꞌāꞌaku te haka tere ꞌo viri a au ki roto i te meꞌe taꞌe tano pohe e tōꞌoku hakari ꞌe ꞌo taꞌe ravaꞌa e au, e te kope hāpī i te rua, i te meꞌe vaꞌai e te ꞌAtua.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.