Māteo 26:39 - Rapa Nui

³⁹ He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Māteo 26:39 ပူးပေါင်းရင်းမြစ်များ

Māteo 20:22

He pāhono e Ietū: —Kai ꞌite kōrua he aha te kōrua meꞌe e no-noꞌi mai ena. ¿E ꞌite rō kōrua mo haꞌaoromaꞌi i te ꞌati pē au ka haꞌaoromaꞌi nei i te ꞌati ka topa mai ena? He kī e rā ŋā kope: —ꞌĒ-ē, e haꞌaoromaꞌi nō e māua.

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Ruka 17:16

He tū-turi ꞌi muꞌa o Ietū, he noi ꞌātā ka puā rō te tira ki ruŋa i te ꞌōꞌone mo māuru-uru. Rā taŋata o Tāmāria.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 18:11

He kī e Ietū ki a Pētero: —Ka haka hoki koe i te hoe ena ki tōꞌona kona. Mo vaꞌai mai e te Matuꞌa i te ꞌati nei mo ꞌamo, ki taꞌa kī, ¿ꞌina a au ko ꞌamo?

Iovani 5:19

He kī ia e Ietū: «ꞌĪ a au he kī atu: Te Poki o te ꞌAtua e ko aŋa e tahi meꞌe hai manaꞌu ōꞌona hoko tahi nō; te meꞌe aŋa ꞌāꞌana he meꞌe takeꞌa mai tōꞌona Matuꞌa. Te meꞌe taꞌatoꞌa aŋa e te Matuꞌa he aŋa takoꞌa e te Poki.

Iovani 5:30

»E ko tano a au mo aŋa e tahi meꞌe hai manaꞌu nō ōꞌoku. E ture nei au hai meꞌe kī mai e te Matuꞌa, ꞌe tōꞌoku ture iŋa e tano rō ꞌā ꞌo te ai taꞌe hai meꞌe haŋa ꞌāꞌaku e ture nei, hai meꞌe haŋa o te kope uŋa mai i a au.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Aŋa o te ꞌĀpōtoro 10:25

I tuꞌu era a Pētero ki rā hare, he eꞌa a Koronerio, he ꞌaroha ꞌe he noi he tū-turi ꞌi muꞌa mo haꞌamuri.

Fīripo 2:8

te meꞌe i aŋa he haꞌatura ki te ꞌAtua ꞌātā ki te roa he haꞌatiꞌa i a ia mo mate, ꞌe ꞌātā mo mate ꞌi ruŋa i te tātaurō, he ūtuꞌa mo te nuꞌu taparahi-taꞌata.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.