Māteo 26:37 - Rapa Nui

³⁷ He maꞌu ꞌi muri i a ia i a Pētero ꞌe i te ŋā poki e rua ꞌa Tevereo. He oꞌo ia te māui-ui ki roto i te māhatu o Ietū, he haka kiva-kiva, ꞌe he ŋaroꞌa ꞌina ōꞌona haŋu toe mo ꞌamo i te rahi o te ꞌati ka topa era ki a ia.

Māteo 26:37 ပူးပေါင်းရင်းမြစ်များ

Māteo 17:1

E ono mahana haka ꞌou pe muꞌa, he toꞌo e Ietū i a Pētero, i a ⌊Tanatiako⌋ ꞌe i a ⌊Iovani⌋, taina o Tanatiako, he iri ko rāua mau nō ki ruŋa i te maꞌuŋa ruŋa nui e tahi.

Māteo 20:20

Te viꞌe ꞌa Tevereo ꞌe te ŋā poki hoko rua o rāua he haka hāhine ki a Ietū. He tū-turi ia rā viꞌe mo no-noꞌi e tahi meꞌe.

Māteo 4:18

E haꞌere e oho nō ꞌā a Ietū a te taha-taha o te vai era o Karirea, he takeꞌa e rua taina: e tahi ko Tīmona, kī takoꞌa ko Pētero, ꞌe te rua ko Antarea, he nuꞌu hī ika e hoa ꞌana i te rāua kūpeŋa.

Māteo 4:21

Pe muꞌa ꞌiti he takeꞌa e Ietū i te taina haka ꞌou hoko rua: ko ⌊Tanatiako⌋ ꞌe ko Iovani, he ŋā poki ꞌa Tevereo, e haka riva-riva ꞌana i te rāua kūpeŋa ananake ko te rāua matuꞌa tane ꞌi ruŋa i te vaka. He kī e Ietū mo oho takoꞌa ꞌi muri i a ia.

Marko 5:37

ꞌIna kai haꞌatiꞌa e Ietū i te taŋata mo oho ꞌi muri i a ia ki te hare o Hairo. Te nuꞌu nō i maꞌu ko Pētero, ko ⌊Tanatiako⌋ ꞌe ko ⌊Iovani⌋, taina o Tanatiako.

Ruka 22:44

ꞌI te rahi o te māui-ui ꞌi roto i te māhatu, ko ꞌata hau ꞌā e pure era, ꞌe ꞌai te nu-nui o te paꞌahia e toto rō ꞌā e viri era.]

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.