Māteo 26:35 - Rapa Nui

³⁵ He kī haka ꞌou e Pētero: —¡Ka ai atu he mate a au ꞌi muri i a koe, e ko kī au ki te hora hopeꞌa kai ꞌite a au ko ai a koe! ꞌE ꞌai te tētahi nuꞌu hāpī ꞌa Ietū e kī takoꞌa era pē ira.

Māteo 26:35 ပူးပေါင်းရင်းမြစ်များ

Māteo 10:33

ꞌE te kope kī ꞌi muꞌa o te taŋata ꞌina he haŋa mai a ia ki a au, pē ira takoꞌa ꞌana a au ka kī ena mōꞌona ꞌi muꞌa o tōꞌoku Matuꞌa ꞌi te raŋi.

Iovani 13:37

He kī e Pētero: —E Ietū, ¿he aha a au ana taꞌe oho atu ꞌi te hora nei? ¡E vaꞌai nō a au i a au ki te mate mōꞌou!

Rōmano 11:20

He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

1 Kōrinto 10:12

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.