Māteo 26:32 - Rapa Nui

³² »ꞌE, ka ai atu pē ira, ki ora a au mai te mate, he piri a tātou ꞌi Karirea.

Māteo 26:32 ပူးပေါင်းရင်းမြစ်များ

Māteo 16:21

Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 20:19

ꞌe e vaꞌai rō ki te nuꞌu taꞌe he hūrio mo haka ka-kata, mo tiŋaꞌi hai ꞌuaka ꞌe mo veo ꞌi ruŋa i te tātaurō; ꞌe, ꞌi te toru mahana, he ora haka ꞌou».

Māteo 26:33

He kī e Pētero: —Mo haka rehu i a koe e te nuꞌu taꞌatoꞌa ena, māꞌaku koe e taꞌe haka rehu.

Māteo 28:10

He kī e Ietū: «ꞌIna kōrua ko riꞌa-riꞌa. Ka oho ka kī ki tōꞌoku ŋā taina era: “Ka oho ki Karirea; ꞌi ira a mātou ana piri”».

Māteo 28:16

Te hoꞌe ꞌahuru mā hoꞌe nuꞌu hāpī ꞌa Ietū he eꞌa he oho ki Karirea, ki ruŋa o te maꞌuŋa kī e ia.

Marko 14:28

»ꞌE, ka ai atu he topa pē ira, ki ora a au mai te mate, he piri a tātou ꞌi Karirea.

Marko 16:7

He kī haka ꞌou e tū taŋata era: «Ka oho kōrua ka kī ki a Pētero ꞌe ki te nuꞌu hāpī haka ꞌou era e hoꞌe ꞌahuru: a Ietū ꞌi raꞌe ki a rāua ka oho ena ki Karirea ꞌe ꞌi ira ka piri ena, pa he meꞌe kī e ia».

1 Kōrinto 15:6

I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā.