Māteo 26:18 - Rapa Nui

¹⁸ He pāhono e Ietū: —Ka oho ki Hērutarema, ki te hare o te kope ko ꞌite ꞌā e kōrua ko ai, ꞌai ka kī rō: «Te kī o te Maꞌori: “Ko hāhine ꞌana tōꞌoku hora. ꞌĪ a au he oho atu ki tuꞌu hare ananake ko tāꞌaku nuꞌu hāpī mo aŋa i te ŋoŋoro o te Pakate”».

Māteo 26:18 ပူးပေါင်းရင်းမြစ်များ

Māteo 21:3

Mo kī atu e tahi meꞌe e te nuꞌu, e kī: “O te mātou Pūꞌoko Haka Tere ko Ietū i kī mai, ꞌe e ko roa he haka hoki atu”».

Māteo 23:10

ꞌIna takoꞌa kōrua ko haŋa mo kī atu e te nuꞌu: “e tōꞌoku pūꞌoko haka tere ē”. Ko au mau nō, paꞌi, he ⌊Kiritō⌋, te Pūꞌoko Haka Tere o kōrua.

Māteo 23:8

»A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Māteo 26:19

He oho ia te nuꞌu hāpī ꞌa Ietū, he aŋa i tū meꞌe kī era, he haka riva-riva i te kai mo te Pakate.

Māteo 26:2

«Ko ꞌite ꞌana a kōrua: e rua mahana toe mo te ⌊ŋoŋoro o te Pakate⌋, ꞌe te ⌊Poki o te taŋata⌋ he vaꞌai ki te rima o te nuꞌu mo veo ꞌi ruŋa i te tātaurō».

Māteo 26:49

He haka hāhine a Hura ki a Ietū he ꞌui: —¿Pē hē koe, e te Maꞌori ē? ꞌE he hoŋi a te ꞌāriŋa.

Marko 5:35

E vānaŋa nō ꞌā a Ietū ki rā viꞌe, he tuꞌu te nuꞌu mai te hare o Hairo he kī ki a ia: —Ko mate ꞌana taꞌa poki. ¿Ki te aha nō a Ietū ana oho atu?

Ruka 22:53

Paurō te mahana ꞌi muri i a kōrua ꞌana a au ꞌi te Kona Haꞌamuri ꞌAtua, ꞌe ꞌina kōrua he ꞌa-ꞌaru i a au. ꞌE, hora mau nei ꞌā he pō, he hora o kōrua, he hora o Rukifero».

Iovani 11:28

I oti era a Maratuka i te kī i te meꞌe nei, he hoki ki muri i tū taina era ōꞌona ko Māria ꞌe he hāꞌumu-ꞌumu: «ꞌĪ te Maꞌori ꞌi nei. Ko kī mai ꞌana mo oho ōꞌou».

Iovani 12:23

He kī ia e Ietū: «Ko tano ꞌā te hora mo haka takeꞌa i te pūai ꞌe i te nui-nui o te ⌊Poki o te taŋata⌋.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 20:16

He kī ia e Ietū: —¡E Māria! He hārui riva-riva ia a Māria, he uꞌi ko Ietū ꞌō rā meꞌe ꞌe he kī hai ꞌarero ⌊ꞌevereo⌋: —¡Rabuni! (te auraꞌa: «¡E te Maꞌori!»).

Iovani 7:30

He haŋa ia tū nuꞌu era mo ꞌa-ꞌaru i a Ietū, ꞌe, ꞌina e tahi o rāua i rao i ꞌa-ꞌaru ꞌo te ai kai tano ꞌana tōꞌona hora.

Iovani 7:6

He kī e Ietū: —Kai tano ꞌā tōꞌoku hora mo oho, ꞌe mo kōrua taꞌatoꞌa nō hora e tano rō ꞌā.

Iovani 7:8

Ka oho nō kōrua ki te ŋoŋoro. ꞌIna a au e ko oho vave atu; kai tano ꞌana tōꞌoku hora.