Māteo 25:5 - Rapa Nui

⁵ »ꞌI te taꞌe tuꞌu hōrou o te kope era mo hāipo-ipo, he pohe rā ŋā uka mo haꞌuru ꞌe he hāꞌuru.

Māteo 25:5 ပူးပေါင်းရင်းမြစ်များ

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Māteo 25:19

»Ko roa atu ꞌana he hoki tū taŋata haka aŋa era i rā ŋā tāvini ꞌe he uꞌi e hia moni i ravaꞌa o tū ŋā moni vaꞌai era e ia.

Māteo 25:4

ꞌE te ŋā uka haka ꞌou era e rima i maꞌu rō i te rāua ipu mōrī koia ko te hakariꞌi.

Māteo 25:6

Pe te ꞌahuru mā piti o te pō, he ŋaroꞌa i te reꞌo pūai e ohu ꞌā: “¡Nā ka pū rō mai te kope era mo hāipo-ipo! ¡Ka eꞌa kōrua ka hokorua mai!”.

Māteo 26:40

He hoki ia ki tū kona era ꞌi ira a kuā Pētero, he uꞌi ko hāꞌuru ꞌana. He meꞌe ki a Pētero: «¿Kai ravaꞌa hia ka tahi hora o te hokorua mai o kōrua i hāꞌuru rō ai?

Māteo 26:43

I hoki era ki muri i a kuā Pētero, ko hāꞌuru haka ꞌou ꞌā ananake ꞌi te rohi-rohi.

Ruka 1:21

ꞌAi ia te taŋata e tiaki nō ꞌana ꞌi haho ki a Taharia koia ko ꞌui he aha e taꞌe hōrou e taꞌe eꞌa era.

Ruka 12:45

»ꞌE mo haꞌamata mo tōtōā e rā tāvini i te tētahi tāvini, mo noho mo kai ꞌe mo unu ka taꞌero rō ꞌi te manaꞌu iŋa pē nei ē: e ko hōrou e ko tuꞌu te taŋata era ꞌāꞌana te haka aŋa,

Ruka 18:8

ꞌĪ a au he kī atu: e ko roa he hāꞌūꞌū. ꞌE, hora era o te ⌊Poki o te taŋata⌋ ka tuꞌu haka ꞌou mai ena, ¿e ai nō ꞌana hō te taŋata ⌊haka moe i te manaꞌu⌋ ꞌi ruŋa i te ꞌAtua?».

Ruka 20:9

He haꞌamata a Ietū he ꞌaꞌamu ki te taŋata i te ꞌaꞌamu haꞌaauraꞌa nei: «E tahi taŋata he ꞌoka i tōꞌona ꞌāua hai vino. I oti era he haꞌaꞌau ananake ko te nuꞌu ꞌoka kai mo aŋa i rā henua ꞌe mo ꞌauhau ki a ia i te ꞌapa vino tano māꞌana mo te hoa henua. I oti era he eꞌa he oho ki te rua henua.

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

Ēfeto 5:14

O te mōrī, paꞌi, te haka takeꞌa i te huru parautiꞌa o te meꞌe. Pa he meꞌe kī ꞌi ruŋa i te ⌊Pāpaꞌi Moꞌa⌋: «Ka ꞌara koe, e haꞌuru mai ena; ka eꞌa mai roto i te nuꞌu mate, ꞌe mā Ietū Kiritō e haka māꞌeha atu i a koe».

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

Meꞌe Haka Takeꞌa 2:25

Tāꞌaku meꞌe haŋa nō: ka haka moe ka oho nō i te kōrua manaꞌu ꞌi ruŋa i a au ꞌātā ki tōꞌoku hoki iŋa mai.