Māteo 25:44 - Rapa Nui

⁴⁴ »ꞌI rā hora ka ꞌui era e rā nuꞌu: “¿ꞌI ꞌaŋahē a mātou i takeꞌa ai i a koe e maruaki rō ꞌana, ꞌo e pohe rō ꞌā ki te vai, ꞌo he taŋata o te rua henua ꞌina he kona mo noho, ꞌo ꞌina he kahu ꞌo e māui-ui rō ꞌana, ꞌo e puru rō ꞌā ꞌi roto i te hare maꞌuꞌaurī ꞌe ꞌina kai hāꞌūꞌū atu e mātou?”.

Māteo 25:44 ပူးပေါင်းရင်းမြစ်များ

Māteo 10:41

»Te kope toꞌo hāpaꞌo i te perofeta ꞌo te ai he perofeta, he vaꞌai ki a ia i te meꞌe mo koa pa he meꞌe haka koa vaꞌai ki te perofeta. »ꞌE te kope toꞌo hāpaꞌo i te taŋata moꞌa ꞌe haꞌatura ki te ꞌAtua ꞌo te ai he taŋata moꞌa ꞌe haꞌatura ki te ꞌAtua, he vaꞌai ki a ia te meꞌe mo koa pa he meꞌe haka koa vaꞌai ki te kope moꞌa ꞌe haꞌatura ki te ꞌAtua.

Māteo 25:43

i ai rō a au he taŋata o te rua henua ꞌina he kona mo noho, ꞌe kai toꞌo e kōrua i a au ki te kōrua hare; i takeꞌa rō e kōrua ꞌina ōꞌoku kahu uru, ꞌe kai vaꞌai mai e kōrua hai kahu; i māui-ui ꞌe i puru rō a au ꞌi roto i te hare maꞌuꞌaurī, ꞌe ꞌina kōrua kai oho atu uꞌi i a au”.

Māteo 25:45

»E pāhono rō e te ꞌAriki: “Te parautiꞌa, te meꞌe taꞌe aŋa e kōrua mo te tētahi o tōꞌoku taina hopeꞌa o te taꞌe hōnui e taꞌe aŋa ꞌā e kōrua mōꞌoku”.

Māteo 5:6

Ko te koa i te nuꞌu te rāua meꞌe haŋa mau nō he tano o te haka tere iŋa o te taŋata ki te mata o te ꞌAtua; te ꞌAtua e haka tano rō i rā meꞌe.

Māteo 7:22

ꞌI te mahana o tāꞌana ture hopeꞌa, nuꞌu rahi te nuꞌu ka kī mai ena: “E te mātou Pūꞌoko Haka Tere ē, i haka ꞌite i oho rō mātou hai ꞌīŋoa ōꞌou i te vānaŋa haka ꞌite mai e te ꞌAtua, i haka eꞌa rō i te tātane mai roto i te taŋata ꞌe i aŋa takoꞌa rō meꞌe rahi nō atu mana hai ꞌīŋoa ōꞌou”.

Ruka 10:29

ꞌE, ꞌi te haŋa o tū kope era mo haka takeꞌa i a ia pa he taŋata tano, he ꞌui ki a Ietū: —¿Ko ai hō te rua taŋata mo haŋa e au?