Māteo 25:41 - Rapa Nui

⁴¹ »Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 25:41 ပူးပေါင်းရင်းမြစ်များ

Māteo 13:40

»Pa he mauku rake-rake hoa mo tutu ꞌi roto i te ahi, pē ira takoꞌa ka topa ena ꞌi te paꞌo iŋa o te ao.

Māteo 13:42

He toꞌo he hoa ki roto i te rona e hū rō ꞌā, he kona ꞌi ira te ta-taŋi ꞌe te ꞌau-ꞌau raꞌa niho.

Māteo 13:50

ꞌe he hoa i rā nuꞌu aŋa era i te meꞌe taꞌe tano ki roto i te rona e hū rō ꞌā, he kona ꞌi ira te taŋi ꞌe te ꞌau-ꞌau raꞌa niho».

Māteo 18:8

»ꞌO ira, mo haka hara atu i a koe e tuꞌu rima e tuꞌu vaꞌe, ka hore, ꞌai ka hoa rō a kōnui era. E hau rō atu ꞌi te tano mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tahi mau nō rima ꞌo e tahi mau nō vaꞌe, ki te ai ararua uꞌu rima ꞌe ararua uꞌu vaꞌe ꞌe he hoa i a koe ki roto i te ahi ꞌina he mate ki te hora hopeꞌa.

Māteo 25:42

I maruaki rō, paꞌi, a au, ꞌe ꞌina e kōrua kai vaꞌai mai hai kai; i pohe rō ki te vai, ꞌe kai vaꞌai mai e kōrua;

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Māteo 3:12

Te kope nei e tuꞌu rō pa he kope maꞌu i te ope mo haka maꞌitaki i te tariko ꞌe mo haꞌataꞌa i te kave-kave paka-paka. He tariko te meꞌe ka hāpaꞌo era ꞌi roto i te hare haꞌaputu tariko, ꞌe he kave-kave ka tutu era ꞌi roto i te ahi ꞌina he mate».

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Māteo 5:22

ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Māteo 7:23

ꞌI rā hora ka pāhono ena e au: “Kai māhani a au i a kōrua. ¡Ka haka tapa mai muri i a au, e te nuꞌu aŋa i te meꞌe taꞌe tano ē!”.

Ruka 13:27

He pāhono haka ꞌou atu e rā kope: “Kai ꞌite a au ko ai kōrua. ¡Ka mahiti ka oho kōrua mai nei, e te nuꞌu aŋa i te meꞌe taꞌe tano ē!”.

Ruka 16:24

»He raŋi ia: “E koro ko ꞌAparahama ē, ka haka ꞌaroha koe i a au. Ka uŋa a Rātaro ka haka rari i te potu o tōꞌona maŋa-maŋa rima hai vai mo haka takeꞌo i tōꞌoku ꞌarero; ꞌī a au e ꞌati atu ena ꞌi roto i te ahi nei”.

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

2 Tētārōnika 1:9

Te ūtuꞌa mo te nuꞌu era he ūtuꞌa ꞌina he hopeꞌa raꞌa. ꞌI te mahana ka tuꞌu mai ena mai te raŋi te tātou Pūꞌoko Haka Tere e toꞌo rō i rā nuꞌu e haka ꞌava-ꞌava rō, ꞌo oꞌo ki roto i tōꞌona pūai nui-nui ꞌana-ꞌana. ꞌE a tātou, te nuꞌu haꞌataꞌa taꞌatoꞌa e te ꞌAtua māꞌana, nuꞌu haka moe i te manaꞌu ꞌi ruŋa i a Ietū, e haꞌahana-hana tahi rō ki a ia ꞌe e māere rō ꞌi te meꞌe taꞌatoꞌa aŋa e ia mo tātou. ꞌE, ꞌi te haka moe o kōrua i te manaꞌu ꞌi ruŋa i te meꞌe hāpī atu era e mātou, a tātou taꞌatoꞌa o roto o te nuꞌu haꞌahana-hana ki a ia.

ꞌEvereo 6:8

ꞌE mo tupu o te mauku pū-pū ꞌe te tētahi atu mauku rake-rake, ꞌina ia e tahi hauhaꞌa. He tohu e te ꞌAtua ꞌe, ka hopeꞌa era, he toꞌo mai he tutu.

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.