Māteo 25:4 - Rapa Nui

⁴ ꞌE te ŋā uka haka ꞌou era e rima i maꞌu rō i te rāua ipu mōrī koia ko te hakariꞌi.

Māteo 25:4 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Māteo 25:2

E rima o rā ŋā uka, uka ꞌite mo haka topa i te manaꞌu, ꞌe e rima taꞌe pē ira.

Māteo 25:3

Tū ŋā uka taꞌe ꞌite era mo haka topa i te manaꞌu he maꞌu i te rāua hakariꞌi ꞌe ꞌina kai maꞌu i te mōrī mo haꞌaꞌī.

Māteo 25:5

»ꞌI te taꞌe tuꞌu hōrou o te kope era mo hāipo-ipo, he pohe rā ŋā uka mo haꞌuru ꞌe he hāꞌuru.

Māteo 7:24

»Te nuꞌu haka roŋo ꞌe aŋa i tāꞌaku meꞌe kī pa he taŋata manaꞌu riva-riva aŋa i tōꞌona hare ꞌi ruŋa i te kona hio-hio.

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

2 Kōrinto 1:22

Te ꞌAtua ko vaꞌai mai ꞌana i te ⌊Vārua Maitai⌋ pa he tāpaꞌo haka ꞌite mai: a tātou ꞌāꞌana. ꞌE, ꞌi te ai o te Vārua Maitai ꞌi roto i a tātou, e ꞌite nei: te meꞌe taꞌatoꞌa hōrea mai era e te ꞌAtua e haka tano tahi rō.

1 Iovani 2:20

ꞌE a kōrua ko haꞌataꞌa ꞌana e Ietū Kiritō māꞌana hai vaꞌai atu i te ⌊Vārua Maitai⌋. ꞌO ira a kōrua taꞌatoꞌa e ꞌite ena i te hāpī parautiꞌa.

1 Iovani 2:27

ꞌIna ko rehu: a kōrua ko haꞌataꞌa ꞌā e Ietū Kiritō māꞌana hai vaꞌai atu i te Vārua Maitai, ꞌe taꞌe i te taŋata te vānaŋa hopeꞌa o ruŋa i te meꞌe o te ꞌAtua. Mo te Vārua Maitai e haka ꞌite atu o ruŋa i te meꞌe taꞌatoꞌa ꞌe tāꞌana hāpī he parautiꞌa, taꞌe he reo-reo. ꞌE, pa he meꞌe haka ꞌite atu e ia, ꞌina kōrua ko haka tapa mai muri i a Ietū Kiritō.

Hura 1:19

O te nuꞌu ena te haka topa-topa kē i te taŋata. Te rāua meꞌe aŋa he meꞌe pohe nō o te hakari, ꞌe ꞌina he Vārua o te ꞌAtua i a rāua.