Māteo 25:34 - Rapa Nui

³⁴ E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Māteo 25:34 ပူးပေါင်းရင်းမြစ်များ

Māteo 13:35

Pē ira i tano ai te meꞌe kī e te perofeta pē nei ē: «Hai ꞌaꞌamu haꞌaauraꞌa a au ka vānaŋa nei; e kī rō a au i te meꞌe ꞌina kai ꞌite e te taŋata mai te hora aŋa era ꞌā e te ꞌAtua i te ao».

Māteo 19:29

ꞌE te nuꞌu taꞌatoꞌa haka rē hai au i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te rāua ŋā poki, ꞌe i te rāua henua, he vaꞌai e te ꞌAtua e tahi hānere haka ꞌou o te meꞌe, ꞌe i te ora ꞌāpī ꞌina he hopeꞌa raꞌa.

Māteo 20:23

He pāhono e Ietū: —He aŋi ꞌā. Nā e ꞌamo takoꞌa rō e kōrua i te ꞌati pē au, ꞌe, te meꞌe ko ai te kope mo noho ꞌi tōꞌoku pāꞌiŋa mataꞌu ꞌe ꞌi tōꞌoku pāꞌiŋa maui, taꞌe he meꞌe māꞌaku e vaꞌai. Ka vaꞌai ena ki te nuꞌu ko haꞌataꞌa era ꞌā e tōꞌoku Matuꞌa.

Māteo 21:5

«Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Māteo 25:23

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 27:37

A ruŋa o tōꞌona pūꞌoko i huki ai e tahi miro pararaha e pāpaꞌi rō ꞌana he aha te tumu o tōꞌona ūtuꞌa. E hāꞌaki era: «Ko Ietū nei, he ꞌAriki o te hūrio».

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 5:19

ꞌO ira, te kope taꞌe haꞌatura ki te meꞌe e tahi o ruŋa i te haka tere iŋa o te ꞌAtua, ka ai atu he meꞌe hopeꞌa o te ꞌiti-ꞌiti, ꞌe hāpī i te taŋata mo taꞌe haꞌatura takoꞌa ki rā meꞌe, ko ia te kope hopeꞌa o roto i te ⌊haka tere iŋa ꞌāpī o te ꞌAtua⌋. ꞌE te kope haꞌatura ꞌe hāpī i te rua mo haꞌatura he kope hōnui o roto i te haka tere iŋa ꞌāpī o te ꞌAtua.

Marko 10:17

I eꞌa era a Ietū mo oho ꞌi tōꞌona ara, he tuꞌu e tahi taŋata e tahuti rō ꞌā, he tū-turi ꞌi muꞌa ꞌe he ꞌui: —E te Maꞌori riva ē, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 10:40

ꞌE, te meꞌe ko ai te kope mo noho i tōꞌoku pāꞌiŋa mataꞌu ꞌe i tōꞌoku pāꞌiŋa maui taꞌe he meꞌe māꞌaku e vaꞌai atu. Ka vaꞌai ena ki te nuꞌu ko haꞌataꞌa era ꞌā e te ꞌAtua.

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Ruka 11:50

Ki te nuꞌu o te hora nei ka haka ꞌauhau ena e te ꞌAtua i te toto raŋa o te perofeta taꞌatoꞌa mai te haꞌamata iŋa o te ao,

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Ruka 19:38

Pē nei e kī era: «¡Taŋata haꞌamaitai e te ꞌAtua te ꞌAriki oho mai nei hai ꞌīŋoa ōꞌona!» «¡Ka ai te haumārū o te ꞌAtua i tōꞌona taŋata!» «¡Ki haꞌahana-hana tahi tātou ki te ꞌAtua ꞌi te raŋi!».

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Iovani 19:15

He ohu atu e tū nuꞌu era: —¡Ka haka kore! ¡Ka veo ꞌi ruŋa i te tātaurō! He ꞌui e Pirato: —¿E haŋa ꞌā a kōrua mo veo ōꞌoku i te kōrua ꞌariki ꞌi ruŋa i te tātaurō? He pāhono e te nuꞌu oromatuꞌa ra-rahi: —¡E tahi mau nō mātou ꞌariki: he ꞌariki ena o te rōmano!

Aŋa o te ꞌĀpōtoro 15:18

He vānaŋa nei o te ꞌAtua; ꞌāꞌana i haka ꞌite mai mai muꞌa ꞌā”.

Aŋa o te ꞌĀpōtoro 3:26

»Ki a tātou ki te itaraera i uŋa raꞌe mai ai e te ꞌAtua i te tāvini haꞌataꞌa era ōꞌona, mo haꞌamaitai mai e ia hai haka eꞌa i a tātou mai roto i te hara».

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

1 Kōrinto 15:50

Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 4:3

ꞌE a tātou, te nuꞌu haka moe i te manaꞌu ꞌi ruŋa i a ia, e oꞌo rō ki roto i te haka ora o te ꞌAtua. ꞌE mo te nuꞌu taꞌe haka moe i te manaꞌu ꞌi ruŋa i a ia i kī ai e te ꞌAtua: «ꞌI roto i tōꞌoku riri a au i hōrea ai: “Ki te hora hopeꞌa ꞌina a rāua e ko oꞌo ki te kona haka riva-riva era e au mo haka ora o rāua”». Te haka ora nei o te ꞌAtua ko haka riva-riva era ꞌā mai te aŋa iŋa era ōꞌona i te ao.

ꞌEvereo 9:26

ꞌĀhani, paꞌi, i ai pē ira, ko ai ꞌana meꞌe rahi nō atu mate iŋa o Ietū mai te hora aŋa era e te ꞌAtua i te ao. ꞌE te parautiꞌa mau, hora nei, he hora hopeꞌa, ko tuꞌu mai ꞌā a ia ki te ao nei ꞌe ko vaꞌai ꞌā i a ia, mo te hora taꞌatoꞌa, pa he tūtia mo haka kore mau rō ꞌai i te pūai o te hara mai ruŋa i a tātou.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

1 Pētero 1:9

Ko ravaꞌa ꞌana, paꞌi, e kōrua i te meꞌe haŋa mo ravaꞌa hai haka moe o kōrua i te manaꞌu ꞌi ruŋa i a Ietū: he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

1 Pētero 3:9

ꞌIna ko aŋa hai meꞌe rake-rake ki te nuꞌu aŋa atu i te meꞌe rake-rake, ꞌe ꞌina ko parauꞌino ki te nuꞌu parauꞌino atu. Te meꞌe o kōrua mo aŋa he ani ki te ꞌAtua mo haꞌamaitai i rā nuꞌu. Te ꞌAtua, paꞌi, i haꞌataꞌa ai i a kōrua māꞌana mo haꞌamaitai atu e ia.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.

Meꞌe Haka Takeꞌa 5:10

ꞌe i haka riro ai he nūnaꞌa taŋata haka tere e ia, ꞌe he ⌊oromatuꞌa⌋ māꞌana; mo rāua te ao nei e haka tere».