Māteo 25:20 - Rapa Nui

²⁰ ꞌI raꞌe i tuꞌu ai te kope ki a ia i vaꞌai ai e pae taꞌutini. He vaꞌai ki te taŋata era ōꞌona te moni i tū pae taꞌutini era koia ko kī: “E pae taꞌutini koe i vaꞌai mai ai. He haka aŋa e au, ꞌe ꞌī e pae taꞌutini haka ꞌou ꞌī aꞌa”.

Māteo 25:20 ပူးပေါင်းရင်းမြစ်များ

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Tanatiako 2:18

Nā e kī rō atu e te kope e tahi: «Tuꞌu meꞌe he haka moe i te manaꞌu ꞌi ruŋa i te ꞌAtua, ꞌe tōꞌoku, he meꞌe riva-riva aŋa». ꞌĪ a au he kī atu: «Ka haka takeꞌa mai rā tuꞌu haka moe iŋa ena i te manaꞌu ꞌi ruŋa i te ꞌAtua ꞌina he meꞌe riva-riva aŋa, ꞌe māꞌaku e haka takeꞌa atu, hai meꞌe riva-riva aŋa, i tōꞌoku haka moe iŋa i te manaꞌu ꞌi ruŋa i te ꞌAtua».

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

1 Kōrinto 15:10

ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era.

Māteo 18:24

»I haꞌamata era mo haka ꞌauhau i rā nuꞌu, he maꞌu he haka māroa ꞌi muꞌa i a ia i te kope e tahi rahi riꞌa-riꞌa te tārahu mōꞌona.

Ruka 19:13

ꞌI raꞌe ki te oho, he uŋa ki tōꞌona tāvini e hoꞌe ꞌahuru mo oho ki a ia, ꞌe he vaꞌai meꞌe rahi moni e tahi e tahi o rā ŋā tāvini ꞌe he kī: “E uꞌi te rāveꞌa mo haka aŋa i te moni ena ꞌātā ki tōꞌoku hoki iŋa mai”.