Māteo 25:2 - Rapa Nui

² E rima o rā ŋā uka, uka ꞌite mo haka topa i te manaꞌu, ꞌe e rima taꞌe pē ira.

Māteo 25:2 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 25:3

Tū ŋā uka taꞌe ꞌite era mo haka topa i te manaꞌu he maꞌu i te rāua hakariꞌi ꞌe ꞌina kai maꞌu i te mōrī mo haꞌaꞌī.

Māteo 25:4

ꞌE te ŋā uka haka ꞌou era e rima i maꞌu rō i te rāua ipu mōrī koia ko te hakariꞌi.

Māteo 25:9

»He pāhono e rā ŋā uka: “ꞌIna, ꞌo taꞌe tano rō mo mātou ꞌe mo kōrua. Ka oho kōrua ka hoꞌo mai to kōrua o te mōrī”.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

Hura 1:5

Te meꞌe nei e au ka pāpaꞌi atu ena e ꞌite rō ꞌana e kōrua ꞌe, ka ai atu pē ira, e haŋa nō ꞌā a au mo haka manaꞌu haka ꞌou atu pē nei ē: ka ai atu te ꞌAtua i toꞌo tahi rō i te itaraera mai Ehipto, i haka kore nō i te tētahi o rā nuꞌu he taꞌe haka moe i te manaꞌu ꞌi ruŋa i a ia.