Māteo 24:47 - Rapa Nui

⁴⁷ ꞌĪ a au he kī atu: te taŋata era ꞌāꞌana te haka aŋa e haka rē rō ki rā tāvini i tōꞌona hauhaꞌa taꞌatoꞌa mo hāpaꞌo.

Māteo 24:47 ပူးပေါင်းရင်းမြစ်များ

Māteo 24:46

¡Ko te koa i te tāvini ka tuꞌu era te taŋata ꞌāꞌana te haka aŋa, e aŋa ꞌana i te meꞌe taꞌatoꞌa kī mo aŋa!

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Māteo 25:23

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Ruka 12:37

¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Ruka 12:44

ꞌĪ a au he kī atu: te taŋata era ꞌāꞌana te haka aŋa e haka rē rō ki rā tāvini i tōꞌona hauhaꞌa taꞌatoꞌa mo hāpaꞌo.

Ruka 19:17

He pāhono e tū ꞌariki era: “Ko tano ꞌā. Tāvini riva-riva mau ꞌā a koe. He haꞌatura ōꞌou ꞌi te meꞌe ꞌiti-ꞌiti pē nā, he haka suerekao koe e au o te kona e hoꞌe ꞌahuru”.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.