Māteo 24:42 - Rapa Nui

⁴² »ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

Māteo 24:42 ပူးပေါင်းရင်းမြစ်များ

Māteo 24:36

»Te mahana ꞌe te hora o tōꞌona hoki iŋa mai ꞌina e tahi taŋata i ꞌite. Kai ꞌite e te merahi o te raŋi, ꞌe pē ira takoꞌa ꞌā e te Poki; he Matuꞌa mau nō te meꞌe i ꞌite.

Māteo 24:43

Ka haka roŋo mai kōrua i te meꞌe nei: ꞌāhani e ꞌite rō e te hoa hare i te hora mo tuꞌu o te toke-toke, e ko haꞌuru ꞌo oꞌo ꞌo toke ꞌi tōꞌona hare.

Māteo 24:44

ꞌO ira, e haka rito kōrua; te Poki o te taŋata e ko aŋi-aŋi hia e kōrua ka tuꞌu rō atu ena.

Māteo 25:10

»Ko oho ꞌana ia tū ŋā uka era hoꞌo i te rāua mōrī, ꞌī ko tuꞌu ꞌā te kope era mo hāipo-ipo, ꞌe tū ŋā uka ꞌite era mo haka topa i te manaꞌu he uru ꞌi muri i rā kope ki te hāipo-ipo ꞌe he puru te ꞌōpani.

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

1 Kōrinto 16:13

E uꞌi kōrua e hāpaꞌo ꞌe e haka hio-hio i te kōrua manaꞌu ꞌi ruŋa i a Ietū. E kiahio kōrua, ꞌina ko haꞌamā ꞌi te haka moe iŋa i te manaꞌu ꞌi ruŋa i a ia.

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».