Māteo 24:39 - Rapa Nui

³⁹ ꞌE ꞌina kai manaꞌu hia i topa rō ai te ꞌati o te ꞌua ꞌe he mā-mate tahi rō ꞌai. Pē ira takoꞌa ꞌā ka topa ena ꞌi te hora o te hoki iŋa haka ꞌou mai o te Poki o te taŋata.

Māteo 24:39 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 24:3

He iri ia a kuā Ietū ki ruŋa i te Maꞌuŋa o te ꞌŌrivo. I tuꞌu era he noho a Ietū, ꞌe he haka hāhine tāꞌana nuꞌu hāpī, he ꞌui koroꞌiti mo rāua ꞌā: —E haŋa rō ꞌana a mātou mo kī mai ōꞌou a hē ka topa tū meꞌe era. ¿He aha te taipe ka topa ena mo ꞌite ko hāhine ꞌā tuꞌu hoki iŋa mai ꞌe te paꞌo iŋa o te ao?

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 24:37

»Te noho iŋa o te taŋata ꞌi te ŋā mahana era ko hāhine ꞌā mo hoki mai o te Poki o te taŋata pa he noho iŋa ꞌā o te nuꞌu ꞌi te hora o Nōē.

Māteo 24:40

ꞌI rā hora, o te ŋāŋata hoko rua e aŋa ꞌana ꞌi ꞌuta, e tahi ka toꞌo ena, e tahi ka haka rē ena.

Ruka 19:44

E haka pararaha rō i a koe, e tiŋaꞌi rō i taꞌa ŋā poki, ꞌe te māꞌea taꞌatoꞌa titi i a koe e haka marere tahi rō, he taꞌe aŋi-aŋi ōꞌou i te hora tuꞌu mai o te ꞌAtua mo haka ora atu i a koe».

Iovani 3:20

Te nuꞌu taꞌatoꞌa aŋa i te meꞌe taꞌe tano, meꞌe taꞌe haŋa o rāua he mōrī, ꞌe ꞌina he haka hāhine a muri ꞌo maꞌurima te rāua meꞌe aŋa.

Aŋa o te ꞌĀpōtoro 13:41

“Ka haka roŋo mai, e te nuꞌu haka ka-kata ꞌi te meꞌe kī e te ꞌAtua ē, e māere rō ꞌe e mā-mate rō kōrua. ꞌI te kōrua noho iŋa, e aŋa rō e au i te meꞌe, ka ꞌaꞌamu atu ena e te nuꞌu, he manaꞌu kōrua taꞌe he parautiꞌa”».

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

2 Pētero 3:5

Te nuꞌu era e haka rehu rō ꞌā pē nei ē: ko ai era ꞌana te raŋi ꞌe te henua, ꞌe o te ꞌAtua i haka eꞌa mai roto i te vai ꞌe i haka noho ꞌi tōꞌona kona hai kī mau nō e ia.