Māteo 24:36 - Rapa Nui

³⁶ »Te mahana ꞌe te hora o tōꞌona hoki iŋa mai ꞌina e tahi taŋata i ꞌite. Kai ꞌite e te merahi o te raŋi, ꞌe pē ira takoꞌa ꞌā e te Poki; he Matuꞌa mau nō te meꞌe i ꞌite.

Māteo 24:36 ပူးပေါင်းရင်းမြစ်များ

Māteo 24:42

»ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

Māteo 24:44

ꞌO ira, e haka rito kōrua; te Poki o te taŋata e ko aŋi-aŋi hia e kōrua ka tuꞌu rō atu ena.

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Marko 13:32

»Te mahana ꞌe te hora o tōꞌona hoki iŋa mai ꞌina e tahi taŋata i ꞌite, kai ꞌite e te merahi o te raŋi, ꞌe pē ira takoꞌa ꞌā te Poki; he Matuꞌa mau nō te meꞌe i ꞌite.

Aŋa o te ꞌĀpōtoro 1:7

He pāhono e Ietū: —Taꞌe he meꞌe mo kōrua e ꞌite; i te Matuꞌa nō te parau mo kī i te hora ꞌe i te mahana o rā meꞌe.

1 Tētārōnika 5:2

Ko ꞌite riva-riva ꞌana, paꞌi, e kōrua: te hoki iŋa mai o te tātou Pūꞌoko Haka Tere ka tuꞌu mai ena pa he toke-toke ꞌi te hora kai manaꞌu hia.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.