Māteo 24:24 - Rapa Nui

²⁴ Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 24:24 ပူးပေါင်းရင်းမြစ်များ

Māteo 22:14

»Nuꞌu rahi, paꞌi, te nuꞌu kī e te ꞌAtua mo oꞌo ki roto i te haka tere iŋa ꞌāpī ōꞌona, ꞌe nuꞌu taꞌe rahi te nuꞌu i haꞌataꞌa e ia mo oꞌo».

Māteo 24:11

He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

Māteo 24:22

ꞌE mo taꞌe haka poto e te ꞌAtua ꞌi rā ŋā mahana, ꞌina e tahi taŋata mo ora; ꞌe, he haka poto e ia ꞌi te haŋa ki te nuꞌu haꞌataꞌa māꞌana.

Māteo 24:25

E uꞌi e hāpaꞌo kōrua. Nā ko haka ꞌite atu ꞌana e au ꞌi raꞌe ki te topa iŋa mai o rā ŋā meꞌe.

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Māteo 24:5

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”, ꞌe nuꞌu rahi te nuꞌu ka haka maꞌa-maꞌa ena.

Māteo 7:15

»E uꞌi kōrua e te nuꞌu reo-reo haka tuꞌu i a rāua pa he nuꞌu vānaŋa hai ꞌīŋoa o te ꞌAtua. E oho atu ena pa he māmoe, ꞌe te roto pa he paiheŋa taehae ꞌā.

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

Iovani 4:48

He kī a Ietū: —A kōrua, mo taꞌe takeꞌa i te mana, e ko haka moe i te manaꞌu ꞌi ruŋa i te ꞌAtua.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:39

ꞌE tāꞌana meꞌe haŋa he taꞌe ŋaro e tahi o te nuꞌu vaꞌai mai e ia, ꞌe he haka ora e au i a rāua mai te mate ꞌi te mahana o te ture hopeꞌa.

Aŋa o te ꞌĀpōtoro 20:16

I aŋa ai pē nei he taꞌe haŋa o Pauro mo oho ki Ēfeto ꞌo noho rahi ꞌi ꞌĀtia; e haŋa rō ꞌana, paꞌi, mo tuꞌu hōrou ki Hērutarema ki te mahana o te ⌊Peneketote⌋.

Rōmano 12:18

E aŋa te meꞌe nō era i ai i a kōrua mo noho riva-riva ꞌi roto i te haumārū ananake ko te taꞌatoꞌa nō taŋata.

Karatia 4:15

¿Ka kī ꞌō ko ŋaro ꞌana tū koa era o tātou o muꞌa ꞌā? E riva nō a au mo kī: a kōrua, ꞌi muꞌa ꞌā, ꞌāhani he meꞌe e ravaꞌa rō mo aŋa, ꞌātā e kume nō mai i te kōrua mata mo vaꞌai mai mōꞌoku.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

1 Pētero 1:5

ꞌO te haka moe o tātou i te manaꞌu ꞌi ruŋa i a Ietū, te ꞌAtua e hāpaꞌo e oho mai ena i a tātou hai pūai nui-nui ōꞌona, ki ravaꞌa ai e tātou, ꞌi te mahana hopeꞌa, i te ora ꞌina he hopeꞌa raꞌa hāpaꞌo mo tātou.

2 Pētero 3:17

ꞌO ira, e te taina ē, ꞌi te ꞌite o kōrua o ruŋa i te ŋā meꞌe ena, e hāpaꞌo kōrua, ꞌo viri ki roto i te reo-reo o te nuꞌu taparahi-taꞌata ꞌe ꞌo haka tapa kōrua mai roto i te hāpī parautiꞌa e maꞌu hio-hio mai ena.

1 Iovani 2:18

E ŋā poki ē, ko te hora hopeꞌa era nei. Ko ŋaroꞌa ꞌana e kōrua nā e oho mai ena te kiritō reo-reo. ꞌE ꞌi te hora nei, ko ꞌata rahi mai ꞌana. Pē ira a tātou e ꞌite nei ko te hora hopeꞌa era nei.

1 Iovani 2:22

¿Ko ai ia te kope reo-reo? He kope kī: a Ietū taꞌe he ⌊Kiritō⌋. Ko ia te kiritō reo-reo ꞌo te ai pa he taꞌe haŋa iŋa era ꞌā ōꞌona ki te ꞌAtua Matuꞌa, pē ira ꞌā e taꞌe haŋa takoꞌa ena ki tāꞌana Poki.

1 Iovani 5:18

Ko ꞌite ꞌana, paꞌi, e tātou ꞌina e tahi poki parautiꞌa o te ꞌAtua noho ꞌi roto i te hara. E hāpaꞌo rō ꞌana e te Poki o te ꞌAtua, ko Ietū Kiritō, ꞌe ꞌina e ko ravaꞌa mo haka puā e Rukifero.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.