Māteo 24:15 - Rapa Nui

¹⁵ »Te perofeta era ko Taniera ko pāpaꞌi ꞌana o ruŋa o te kope ko ia te meꞌe ka hano-hano ꞌe ka ꞌenemī ena e te ꞌAtua. Ka takeꞌa ena e kōrua te māroa iŋa o rā kope ꞌi te kona moꞌa, te auraꞌa, ꞌi te Kona Haꞌamuri ꞌAtua (te kope taiꞌo, ¡e aŋi-aŋi!),

Māteo 24:15 ပူးပေါင်းရင်းမြစ်များ

Māteo 24:16

ꞌi rā hora te nuꞌu noho o Hūrea e tē-tere a te kona maꞌuŋa;

Marko 13:14

»Nā e tuꞌu rō te mahana te kope ko ia te meꞌe ka hano-hano ꞌe ka ꞌenemī ena e te ꞌAtua he oho he noho ꞌi te ⌊Kona ꞌAta Moꞌa⌋ o te Kona Haꞌamuri ꞌAtua, he kona ꞌina a ia ko ai ꞌi ira. (Te kope taiꞌo i te meꞌe nei e aŋi-aŋi riva-riva). »Ka topa ena te meꞌe nei, te nuꞌu noho o Hūrea e tē-tere a te kona maꞌuŋa;

Ruka 19:43

Nā e ai rō te mahana taꞌe au mōꞌou. Te nuꞌu taꞌe haŋa atu e puru e haka vari tahi rō i a koe ꞌe e tamaꞌi rō atu; e ko ravaꞌa koe mo tere.

Ruka 21:20

»Ka takeꞌa ena e kōrua ko haka vari tahi ꞌā a Hērutarema e te vaꞌehau o te rua henua, e ꞌite: ko hāhine ꞌā te hora he haka pararaha i rā kona.

Iovani 11:48

Mo haka rē nō o tātou mo aŋa mo oho i tāꞌana meꞌe ena e aŋa mai ena, te taŋata taꞌatoꞌa he haka moe i te manaꞌu ꞌi ruŋa i a ia, ꞌe te nuꞌu ra-rahi o te rōmano he oho mai he haka marere i te tātou ⌊Kona Haꞌamuri ꞌAtua⌋ ꞌe he haka kore i te tātou haka tere iŋa.

Aŋa o te ꞌĀpōtoro 21:28

koia ko ohu: «¡E te itaraera ē, ka hāꞌūꞌū mai kōrua! O te taŋata nei te hāpī te oho ki te nuꞌu ꞌi te kona taꞌatoꞌa i te meꞌe ꞌina he tano ki a tātou ki te hūrio, ki te haka tere iŋa ꞌa Mōtē ꞌe ki te Kona Haꞌamuri ꞌAtua. ꞌE ꞌātā i maꞌu rō mai, ꞌi te mahana e tahi, i te nuꞌu taꞌe he hūrio ki roto i te kona o te hare nei o te ꞌAtua taꞌe haꞌatiꞌa ki te nuꞌu taꞌe he hūrio, ꞌe hai rā meꞌe i aŋa ai i te meꞌe taꞌe tano mo te kona moꞌa nei».

Aŋa o te ꞌĀpōtoro 6:13

He maꞌu takoꞌa i te mataꞌite reo-reo, ꞌe o rā nuꞌu i kī: «Te taŋata ena he vānaŋa nō te aŋa i te vānaŋa taꞌe tano mo te ⌊Kona Haꞌamuri ꞌAtua⌋ ꞌe mo te hāpī ꞌa Mōtē.

ꞌEvereo 2:1

ꞌI te ai he parautiꞌa te ŋā meꞌe taꞌatoꞌa nei, e uꞌi e maꞌu riva-riva te roŋo ŋaroꞌa e tātou, ꞌo haka tapa mai te ara parautiꞌa o te ꞌAtua.

Meꞌe Haka Takeꞌa 1:3

Te ꞌAtua he haꞌamaitai i te kope nō era mo taiꞌo i te puka nei ki te taina ⌊haka moe i te manaꞌu⌋ ꞌi ruŋa i a Ietū, ꞌe he haꞌamaitai takoꞌa i te taina taꞌatoꞌa haka roŋo ꞌe haꞌatura ki te meꞌe hāꞌaki o ruŋa nei; nā, paꞌi, ko hāhine ꞌā te hora mo topa o rā ŋā meꞌe.

Meꞌe Haka Takeꞌa 3:22

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au!’”».