Māteo 24:14 - Rapa Nui

¹⁴ Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

Māteo 24:14 ပူးပေါင်းရင်းမြစ်များ

Māteo 10:7

»Ka oho ka haka ꞌite: “Te ⌊haka tere iŋa ꞌāpī o te ꞌAtua⌋ nā ko hāhine mai ꞌā”.

Māteo 18:19

»He kī atu a au: mo haꞌaꞌau ꞌi te ao nei hoko rua o kōrua mo no-noꞌi e tahi meꞌe hai pure, he vaꞌai atu e tōꞌoku Matuꞌa o te raŋi.

Māteo 24:3

He iri ia a kuā Ietū ki ruŋa i te Maꞌuŋa o te ꞌŌrivo. I tuꞌu era he noho a Ietū, ꞌe he haka hāhine tāꞌana nuꞌu hāpī, he ꞌui koroꞌiti mo rāua ꞌā: —E haŋa rō ꞌana a mātou mo kī mai ōꞌou a hē ka topa tū meꞌe era. ¿He aha te taipe ka topa ena mo ꞌite ko hāhine ꞌā tuꞌu hoki iŋa mai ꞌe te paꞌo iŋa o te ao?

Māteo 24:6

»E ŋaroꞌa rō e kōrua i te parau ꞌāpī o te tamaꞌi o henua nei o henua era; ꞌe, ꞌina ko riꞌa-riꞌa. He topa mau ꞌā te meꞌe era, ꞌe, ka ai atu pē ira, kai hāhine ꞌā te hopeꞌa o te ao nei.

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Māteo 9:35

A te kona taꞌatoꞌa e hāpī e oho era e Ietū ꞌi roto i te ⌊hare pure hūrio⌋, e haka ꞌite ꞌā o ruŋa i te roŋo riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā meꞌe rahi nō atu huru o te māui-ui.

Marko 13:10

Te ⌊roŋo riva-riva o te ꞌAtua⌋, paꞌi, e haka ꞌite e oho rō ki te taŋata o te henua taꞌatoꞌa ꞌi raꞌe ki te tuꞌu iŋa mai o te hopeꞌa o te ao.

Ruka 2:1

ꞌI rā noho iŋa, he kī e Akutino, ꞌariki o te rōmano, mo haka pāpaꞌi i te nuꞌu o te henua taꞌatoꞌa ko ia te ꞌariki mo ꞌite e hia taŋata.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 4:5

He maꞌu ia e Rukifero ki ruŋa i te maꞌuŋa ruŋa nui, he haka takeꞌa hai minuti i te henua taꞌatoꞌa o te ao,

Aŋa o te ꞌĀpōtoro 1:2

ꞌātā ki te mahana iri ōꞌona ki te raŋi. Kai iri ꞌā i haka ꞌite rō ai hai Vārua Maitai ki tāꞌana nuꞌu haꞌataꞌa he ⌊ꞌāpōtoro⌋ i te meꞌe o rāua mo aŋa.

Aŋa o te ꞌĀpōtoro 11:28

E tahi o roto o rāua te ꞌīŋoa ko Ākapo, hai pūai o te Vārua Maitai, i eꞌa i kī ai e topa rō te oŋe ꞌi te henua taꞌatoꞌa. Te ꞌati nei i topa ai ꞌi te taꞌu o te ꞌariki rōmano ko Karaurio.

Aŋa o te ꞌĀpōtoro 17:31

Te ꞌAtua ko uꞌi era ꞌana i te mahana mo ture e te kope haꞌataꞌa e ia i te taŋata taꞌatoꞌa o te ao hai tī-tika ꞌe hai parautiꞌa. ꞌE hai haka ora i rā kope mai te mate i haka aŋi-aŋi ai e te ꞌAtua ki te nuꞌu taꞌatoꞌa ko ai rā kope».

Aŋa o te ꞌĀpōtoro 17:6

ꞌI te taꞌe ravaꞌa i a kuā Pauro, he ꞌa-ꞌaru he to-toi i a Hātō ananake ko te tētahi taina ki muꞌa o te nuꞌu ra-rahi o Tētārōnika koia ko kī: «¡Te nuꞌu haka tātake i te manaꞌu o te taŋata o te ao ꞌī ko tuꞌu mai ꞌā ki nei,

Aŋa o te ꞌĀpōtoro 19:27

Te meꞌe era he ꞌati e tahi. E ko ravaꞌa moni haka ꞌou tātou, ꞌe te hare pure o te tātou ꞌatua nui-nui ko Aratemita, haꞌamuri ꞌi te kona taꞌatoꞌa o ꞌĀtia ꞌe ꞌi te henua taꞌatoꞌa, e ko hauhaꞌa haka ꞌou ꞌe e ko haꞌamuri haka ꞌou ki a ia».

Aŋa o te ꞌĀpōtoro 20:25

»Ko ꞌite ꞌana e au, ꞌi te hora nei, ꞌina e tahi o kōrua o te nuꞌu haka ꞌite atu e au o ruŋa o te ⌊haka tere iŋa ꞌāpī o te ꞌAtua⌋ mo takeꞌa haka ꞌou i a au.

Rōmano 10:18

Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

ꞌEvereo 1:6

ꞌE ꞌi te rua kona, hora haka ꞌite era i tāꞌana ꞌAtariki ki te ao, i kī ai: «E haꞌamuri ki a ia te merahi taꞌatoꞌa o te ꞌAtua».

ꞌEvereo 2:5

Te ꞌAtua kai vaꞌai ki te rima o te merahi i te haka tere iŋa o te ao ꞌāpī ka oho mai ena, he meꞌe vānaŋa o tātou.

Meꞌe Haka Takeꞌa 14:6

He takeꞌa ia e au i te merahi haka ꞌou e tahi e rere rō ꞌana ꞌi vāeŋa era o te raŋi e maꞌu rō ꞌana i te roŋo ꞌina he hopeꞌa raꞌa mo haka ꞌite ki te nuꞌu o te taꞌatoꞌa nō hau, ꞌarero ꞌe kona o te ao.

Meꞌe Haka Takeꞌa 16:14

Te ŋā tātane nei e ai rō ꞌā te rāua pūai mo aŋa i te mana ꞌe i te meꞌe mo māere o te taŋata. He eꞌa he oho ananake he haka taka-taka i te ꞌariki taꞌatoꞌa o te ao, mo moto ki te ꞌAtua, i a ia te pūai taꞌatoꞌa, ꞌi te mahana o te ture hopeꞌa.

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.