Māteo 23:9 - Rapa Nui

⁹ ꞌE ꞌina e tahi kope o ruŋa i te henua mo kī e kōrua: “e matuꞌa”. E tahi nō, paꞌi, kōrua Matuꞌa: he ꞌAtua o te raŋi.

Māteo 23:9 ပူးပေါင်းရင်းမြစ်များ

Māteo 23:10

ꞌIna takoꞌa kōrua ko haŋa mo kī atu e te nuꞌu: “e tōꞌoku pūꞌoko haka tere ē”. Ko au mau nō, paꞌi, he ⌊Kiritō⌋, te Pūꞌoko Haka Tere o kōrua.

Māteo 6:32

Te ŋā meꞌe nei he meꞌe manaꞌu rahi e te nuꞌu taꞌe ꞌite ko ai te ꞌAtua parautiꞌa. ꞌE, a kōrua e ai rō ꞌana te Matuꞌa ꞌi te raŋi ko ꞌite ꞌana i te meꞌe mo te kōrua ora.

Māteo 7:11

»Mo ai ko ꞌite ꞌana a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi hai meꞌe riva-riva ki te nuꞌu no-noꞌi ki a ia?

Aŋa o te ꞌĀpōtoro 22:1

«E kuā koro, e kuā taina ē, ka haka roŋo mai tāꞌaku meꞌe ka kī atu ena».

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

ꞌEvereo 12:9

E ŋā poki nō ꞌana a tātou, te matuꞌa o tātou o te ao nei e ture e haka tī-tika rō mai ꞌana, ꞌe he moꞌa e tātou. ¿He aha ia a tātou ana taꞌe haka rē mo haka tere mai i a tātou e te tātou Matuꞌa o te raŋi, ki riro ai te tātou noho iŋa noho iŋa riva-riva, haꞌamaitai e ia?

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.