Māteo 23:8 - Rapa Nui

⁸ »A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Māteo 23:8 ပူးပေါင်းရင်းမြစ်များ

Māteo 10:25

Te meꞌe topa ki te maꞌori hāpī e ko taꞌe topa takoꞌa ki tāꞌana nuꞌu hāpī, ꞌe te meꞌe topa ki te taŋata ꞌāꞌana te haka aŋa e ko taꞌe topa takoꞌa ki tōꞌona tāvini. Mo kī mai e te nuꞌu ki a au ko ⌊Veresepupa⌋, pē ira takoꞌa ꞌā ka kī atu ena ki a kōrua ki tāꞌaku nuꞌu hāpī.

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 23:10

ꞌIna takoꞌa kōrua ko haŋa mo kī atu e te nuꞌu: “e tōꞌoku pūꞌoko haka tere ē”. Ko au mau nō, paꞌi, he ⌊Kiritō⌋, te Pūꞌoko Haka Tere o kōrua.

Māteo 23:7

Te meꞌe haŋa takoꞌa ananake he ꞌaroha e te taŋata ꞌi te ara pa he ꞌariki ꞌe he kī ki a rāua: “e te maꞌori”.

Māteo 26:25

A Hura, he kope māꞌana e vaꞌai i a Ietū, he ꞌui: —E te Maꞌori, ¿ko au hō nā kope? —ꞌĀꞌau mau ꞌā i kī —i pāhono ai e Ietū.

Māteo 26:49

He haka hāhine a Hura ki a Ietū he ꞌui: —¿Pē hē koe, e te Maꞌori ē? ꞌE he hoŋi a te ꞌāriŋa.

Marko 10:51

He ꞌui e Ietū: —¿He aha taꞌa meꞌe haŋa mo aŋa atu e au? He pāhono e tū matapō era: —E te Maꞌori, e haŋa rō ꞌana a au mo takeꞌa.

Marko 11:21

He manaꞌu a Pētero ki tū meꞌe kī era e Ietū, ꞌe he kī: —E te Maꞌori, ka uꞌi rā tū tumu pika tohu era e koe; ko paka-paka tahi ꞌā.

Marko 14:45

He haka hāhine a Hura ki a Ietū he kī: «¿Pē hē koe, e te Maꞌori ē?». ꞌE he hoŋi a te ꞌāriŋa.

Marko 9:5

He kī e Pētero ki a Ietū: «E te Maꞌori, ¡he riva nō ꞌō i ai ai a tātou ꞌi nei! Ki aŋa e toru pae-pae: e tahi mōꞌou, e tahi mo Mōtē ꞌe e tahi mo ꞌĒria».

Ruka 22:32

Ka ai atu pē ira, ko ani ꞌana a au mōꞌou ki te ꞌAtua, ꞌo kore tuꞌu haka moe iŋa i te manaꞌu ꞌi ruŋa i a au. Ki huri haka ꞌou mai koe, e hāꞌūꞌū ki tāꞌaku nuꞌu hāpī mo haka hio-hio takoꞌa i te rāua manaꞌu ꞌi ruŋa i a au.

Iovani 1:38

He hārui ia a Ietū, he takeꞌa e oho atu ꞌana ꞌi tuꞌa i a ia, ꞌe he ꞌui: —¿He aha te kōrua meꞌe haŋa? He kī e rā nuꞌu: —E te Maꞌori, e haŋa rō ꞌā a māua mo ꞌite ꞌi kona hē koe e noho ena.

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 11:8

He kī e te nuꞌu hāpī era: —E te Maꞌori, ꞌi tū ŋā mahana era e haŋa ꞌā te ⌊hūrio⌋ ra-rahi o ira mo tamaꞌi i a koe hai māꞌea, ꞌe, ¿e haŋa nō ꞌā a koe mo hoki ki ira?

Iovani 20:16

He kī ia e Ietū: —¡E Māria! He hārui riva-riva ia a Māria, he uꞌi ko Ietū ꞌō rā meꞌe ꞌe he kī hai ꞌarero ⌊ꞌevereo⌋: —¡Rabuni! (te auraꞌa: «¡E te Maꞌori!»).

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 3:26

He oho ia rā nuꞌu he kī ki a Iovani: —E te Maꞌori, tū kope era ꞌi muri i a koe ꞌi te rua pāꞌiŋa o te rio era ko Horotana, haka ꞌite mai era e koe o ruŋa i a ia, ꞌai e papatito ꞌana, ꞌe e rahi rō ꞌā te nuꞌu oho ki a ia.

Iovani 4:31

ꞌI rā kona, te nuꞌu hāpī ꞌāꞌana e haka koni ꞌā: —E te Maꞌori, ka kai tāꞌau o te meꞌe.

Iovani 6:25

I tuꞌu era rā nuꞌu ki te rua pāꞌiŋa, he ravaꞌa i a Ietū ꞌe he ꞌui: —E te Maꞌori, ¿ꞌi ꞌaŋahē koe i oho mai ai?

Iovani 9:2

He ꞌui e tāꞌana nuꞌu hāpī: —E te Maꞌori, ¿he aha te taŋata ena i poreko ai pē nā: e pō rō ꞌā te mata? ¿He hara o tōꞌona matuꞌa, ꞌo he hara ōꞌona?

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

Ēfeto 3:15

Matuꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ka ai atu a rāua ꞌi ruŋa i te raŋi ꞌo ꞌi ruŋa i te henua,

Firemono 1:16

taꞌe nō ꞌō pa he ꞌekaravo, pa he meꞌe ꞌata hau rō atu ki te meꞌe ena: pa he taina haŋa rahi e tahi o tātou. E haŋa rahi rō ꞌana a au ki a Onetimoro, ꞌe a koe e ꞌata haŋa ki a ia, taꞌe nō ꞌō pa he taŋata, pa he taina takoꞌa ꞌi te haka moe iŋa i te manaꞌu ꞌi ruŋa i a Ietū.

Tanatiako 3:1

E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.

1 Pētero 5:3

ꞌIna ko manaꞌu: o kōrua rā māmoe haka hāpaꞌo atu era. Te meꞌe mo aŋa he haka takeꞌa ki a rāua pē hē a rāua ana haka tere hai haka tere iŋa tano ena o kōrua.

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 22:9

ꞌE he kī mai e rā merahi: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌana, ꞌe pa he ŋā taina ena ōꞌou he perofeta, ꞌe pa he nuꞌu taꞌatoꞌa haka roŋo i te meꞌe pāpaꞌi o ruŋa i te puka nei».