Māteo 23:34 - Rapa Nui

³⁴ ꞌO ira, ꞌī a au he uŋa atu hai perofeta, hai maꞌori ꞌe hai nuꞌu ꞌite i te haka topa i te manaꞌu. Te tētahi o te nuꞌu nei he tiŋaꞌi he haka mate e kōrua ꞌe he veo ꞌi ruŋa i te tātaurō, ꞌe te tētahi atu o rāua he tiŋaꞌi e kōrua ꞌi roto i te hare pure hūrio ꞌe he kimi ki kona era ki kona era mo tōtōā.

Māteo 23:34 ပူးပေါင်းရင်းမြစ်များ

Māteo 13:52

He kī ia e Ietū: —Te ⌊maꞌori o te haka tere hūrio⌋ ꞌite ꞌe aŋi-aŋi takoꞌa o ruŋa i te haka tere iŋa ꞌāpī o te ꞌAtua e tano rō ꞌā mo hāpī o ruŋa i te meꞌe ꞌāpī ꞌe o ruŋa i te meꞌe tuai, pa he hoa hare ꞌite mo toꞌo mai roto i tāꞌana meꞌe rahi hāpaꞌo i te meꞌe ꞌāpī ꞌe i te meꞌe rūꞌau.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

Aŋa o te ꞌĀpōtoro 13:1

ꞌI roto i te nūnaꞌa taŋata o Antiokia ⌊haka moe i te manaꞌu⌋ ꞌi ruŋa i a Ietū te perofeta ꞌe te maꞌori hāpī: ko Verenāvē, ko Tīmona, kī takoꞌa ko ꞌUri-ꞌuri, ko Rūtio o Tīrene, ko Sauro, ꞌe ko Menaheme, hāŋai e te matuꞌa o ⌊ꞌErore Antipa⌋. (O te ꞌErore nei te haka tere a Karirea).

Māteo 10:23

»Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Meꞌe Haka Takeꞌa 11:10

He koa te taŋata o te ao ꞌo te mate o rāua. ꞌE, ꞌi te rahi o te koa, he aŋa i te ŋoŋoro ꞌe he vaꞌai e te kope e tahi ki te rua kope i te meꞌe mo haka koa; rā ŋā perofeta, paꞌi, he ꞌati e tahi mo rāua.

ꞌEvereo 11:37

ꞌE tētahi i mate ai i tamaꞌi hai māꞌea, i hore hai hia-hia a vāeŋa ꞌe i ꞌo-ꞌoka hai hoe. Ki kona era ki e kona era i hāꞌere i oho ai e uru rō ꞌana i te kahu aŋa hai kiri o te māmoe ꞌe o te vato-vato. A rāua nuꞌu veve, ꞌamo i te ꞌati ꞌe tōtōā e te rua.

1 Kōrinto 3:10

Hai riva rahi o te ꞌAtua, ꞌāꞌaku i haꞌamata i hāpī atu ki a kōrua i te parau ꞌāpī riva-riva o ruŋa i a Ietū Kiritō; ꞌe, takoꞌa, i hāꞌūꞌū i te nuꞌu raꞌe o kōrua mo haka moe i te rāua manaꞌu ꞌi ruŋa i a Ietū, pa he kope ꞌāꞌana i aŋa i te mekerā ꞌi ruŋa ka haka tuꞌu era te hakari o te hare. ꞌE, hora nei, o te tētahi te hāpī te oho atu o ruŋa i a Ietū mo haka hio-hio o kōrua ꞌi te ara o te ꞌAtua, pa he nuꞌu o rāua te haka tuꞌu i te hakari o te hare ꞌi ruŋa i te mekerā. Te meꞌe nō, e uꞌi e aŋa riva-riva te hare.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

Aŋa o te ꞌĀpōtoro 15:32

ꞌE, a Hura ararua ko Tira he ꞌata haka koa ꞌe he ꞌata haka haŋu i rā ŋā taina hai vānaŋa i haka vānaŋa e te ꞌAtua.

Aŋa o te ꞌĀpōtoro 14:19

He tuꞌu ia te nuꞌu hūrio mai Antiokia o Pitiria ꞌe mai Īkōnio, ꞌe hai vānaŋa o rāua, i haka riri ai i te nuꞌu o ira mo kuā Pauro. ꞌO ira i tamaꞌi ai i a Pauro hai māꞌea ꞌe, ꞌi te manaꞌu ko mate ꞌā, he to-toi he oho ki haho o tū kona era ko Rītara.

Aŋa o te ꞌĀpōtoro 12:2

He kī mo tiŋaꞌi mo haka mate hai hoe i a Tanatiako, taina o ⌊Iovani⌋.

Aŋa o te ꞌĀpōtoro 11:27

ꞌI rā ŋā mahana, i oho ai te tētahi nuꞌu perofeta mai Hērutarema ki Antiokia.

Aŋa o te ꞌĀpōtoro 5:40

He raŋi mo maꞌu haka ꞌou i tū ŋā ꞌāpōtoro era, he haka tiŋaꞌi hai ꞌuaka, ꞌe he kī mo taꞌe vānaŋa haka ꞌou hai ꞌīŋoa o Ietū. I oti era he haka eꞌa.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

1 Tētārōnika 2:16

E haŋa era, paꞌi, mātou mo vānaŋa ki te nuꞌu taꞌe he hūrio o ruŋa i a Ietū, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa, ꞌina he haka rē i a mātou e nei ŋā hūrio mo vānaŋa. Pē ira e haꞌaputu e oho ena i te rāua hara ki te roa hopeꞌa. ꞌE hora nei, te meꞌe toe mo rāua he ūtuꞌa o te ꞌAtua.

Māteo 23:31

ꞌE hai vānaŋa nei e haka ꞌite ena: he hakaara a kōrua o rā nuꞌu tiŋaꞌi era i te perofeta.