Māteo 23:23 - Rapa Nui

²³ »¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! O roto o te hoꞌe ꞌahuru ꞌapa o te meꞌe haka ꞌeo kai, he haꞌataꞌa e tahi o rā ŋā ꞌapa mo te ꞌAtua pa he meꞌe kī ꞌi ruŋa i te haka tere iŋa ꞌa Mōtē. Ka ai atu pē ira, ꞌina kōrua he haꞌatura ki te hāpī hopeꞌa o te nui-nui mo te ꞌAtua o ruŋa i rā haka tere iŋa. Rā ŋā meꞌe: he aŋa i te meꞌe tano ki te mata o te ꞌAtua, he ai o te māhatu ꞌaroha, ꞌe he taꞌe haka rē ki te hora hopeꞌa mo haka tano i te meꞌe haŋa e te ꞌAtua. He ŋā meꞌe nei te meꞌe o kōrua mo aŋa ꞌe ꞌina ko taꞌe aŋa te meꞌe raꞌe era.

Māteo 23:23 ပူးပေါင်းရင်းမြစ်များ

Māteo 12:7

A kōrua kai aŋi-aŋi ꞌā i te haꞌaauraꞌa o te vānaŋa nei o te ꞌAtua: «Tāꞌaku meꞌe haŋa taꞌe he tūtia o kōrua, he ai o kōrua nuꞌu māhatu ꞌaroha». ꞌĀhani i aŋi-aŋi e kōrua, e ko kī e hape rō ꞌā te nuꞌu ꞌina kai aŋa hia i te meꞌe taꞌe tano.

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Ruka 11:42

»¡Ko te ꞌaroha i a kōrua, e te fariseo ē! O roto o te hoꞌe ꞌahuru ꞌapa o te meꞌe haka ꞌeo kai ꞌe o te tētahi atu meꞌe ꞌoka mo kai, e haꞌataꞌa ena e tahi o rā ŋā ꞌapa mo te ꞌAtua, pa he meꞌe kī ꞌi ruŋa i te ⌊haka tere iŋa ꞌa Mōtē⌋. Ka ai atu pē ira, ꞌina kōrua he aŋa i te meꞌe haŋa mau e ia, ko te meꞌe ena: he aŋa i te meꞌe tī-tika ꞌe he haŋa ki a ia. He ŋā meꞌe nei te meꞌe o kōrua mo aŋa, ꞌe ꞌina ko taꞌe aŋa te meꞌe raꞌe era.

Ruka 18:12

A au e tapu rō ꞌana i te kai e rua mahana ꞌi te tāpati ꞌe e haꞌataꞌa rō ꞌana e tahi tara mōꞌou o roto o te hoꞌe ꞌahuru tara ꞌauhau mai o tāꞌaku aŋa, pa he meꞌe kī e ⌊Mōtē⌋”.