Māteo 23:16 - Rapa Nui

¹⁶ »¡Ko te ꞌaroha i a kōrua, e te pūꞌoko haka tere matapō ē! E kī ena kōrua: “Te kope hōrea hai Kona Haꞌamuri ꞌAtua e ko ꞌati mo taꞌe haka tano i tāꞌana hōrea; ꞌe, mo hōrea hai piru o rā kona, e haka tano ki tāꞌana hōrea”.

Māteo 23:16 ပူးပေါင်းရင်းမြစ်များ

Māteo 15:14

Ka haka rē nō. A rāua he matapō e uŋa ꞌā i te tētahi matapō. ꞌE te taŋata matapō e tahi mo uŋa i te rua matapō, ararua ka vī-viri era ki roto i te pū.

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:17

¡E te nuꞌu maꞌa-maꞌa ꞌe matapō ē! ¿He aha te meꞌe ꞌata hauhaꞌa: he piru o te ⌊Kona Haꞌamuri ꞌAtua⌋, ꞌo rā kona mau era ꞌā ōꞌona? Te Kona Haꞌamuri ꞌAtua ꞌata hauhaꞌa ki te piru, ꞌe o rā kona te haka hauhaꞌa i rā piru.

Māteo 23:19

¡E te matapō ē! ¿He aha te meꞌe hopeꞌa o te hauhaꞌa: he tūtia ꞌo he fata, kona ꞌi ira te tūtia e tutu ena? Te tūtia e hauhaꞌa ena ꞌo te ai nō ꞌi ruŋa i te fata.

Māteo 23:24

¡A kōrua pa he nuꞌu matapō uŋa i te nuꞌu! Te aŋa he uꞌi ꞌo hape kōrua ꞌi te meꞌe ꞌiti-ꞌiti ꞌe, ꞌi te rava aŋa i rā meꞌe, he hape i te meꞌe hopeꞌa o te nui-nui, pa he kope kora i te nao-nao ꞌe horo i te kameio.

Māteo 23:26

¡E te fariseo matapō ē, ka haroꞌi te roto o te hapaina ꞌi raꞌe, ꞌe pē ira ana maꞌitaki takoꞌa te haho!

Karatia 5:3

ꞌE ꞌī a au he kī haka ꞌou atu: te kope hore i te kiri o te kinoŋa e haꞌatura ia ki te roŋo taꞌatoꞌa o ruŋa i te haka tere iŋa ꞌa Mōtē.

Tanatiako 5:12

E te taina ōꞌoku ē, tāꞌaku meꞌe haka ꞌou mo kī atu: ꞌIna kōrua ko hōrea ki te raŋi, ki te henua ꞌe ki te tētahi atu meꞌe. Mo kī o kōrua «ꞌē-ē», e ai ꞌē-ē mau ꞌā; ꞌe mo kī o kōrua «ꞌina», e ai ꞌina mau ꞌā, ꞌo haka ūtuꞌa kōrua e te ꞌAtua.