Māteo 23:14 - Rapa Nui

¹⁴ »¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E hiko ena kōrua i te hare o te ŋā viꞌe hove, ꞌe mo haka tuꞌu he meꞌe taꞌe ꞌati, he haka roa-roa e kōrua i te kōrua pure mo takeꞌa e te taŋata. ꞌO ira, ꞌata paŋahaꞌa te ūtuꞌa ka topa ena ꞌi ruŋa i a kōrua.]

Māteo 23:14 ပူးပေါင်းရင်းမြစ်များ

Māteo 11:24

ꞌĪ ia a au he kī atu: ꞌi te mahana o te ture hopeꞌa, te ūtuꞌa mōꞌou ꞌata hau rō atu ki te ūtuꞌa topa ki te nuꞌu o Tōroma».

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:33

»¡E te huaꞌai o te kōreha veneno ē! Nā kōrua he viri ki roto i te ūtuꞌa o te pōꞌauahi.

Marko 12:40

He toꞌo nō te aŋa i te hauhaꞌa o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

Ruka 12:48

Te tāvini aŋa i te meꞌe taꞌe tano ꞌi te taꞌe ꞌite he aha mau te meꞌe haŋa o te taŋata haka aŋa i a ia e ko haka ūtuꞌa rahi. Te kī: mo ai ꞌi ruŋa i te kope e tahi te riva rahi o te ꞌAtua, e rahi takoꞌa tōꞌona tāvini iŋa ki te ꞌAtua. ꞌE mo ai ꞌata rahi te riva rahi o te ꞌAtua, e ꞌata rahi takoꞌa tōꞌona tāvini iŋa ki a ia.

Ruka 20:47

He hiko nō te aŋa i te hare o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

2 Timoteo 3:6

O rāua, paꞌi, te nuꞌu oho ki hare era ki hare era ꞌe hai reo-reo e ravaꞌa ena mo haka tere i te ŋā viꞌe ꞌina he pūai o te manaꞌu, ꞌamo meꞌe rahi hara, ꞌe pohe ki te meꞌe taꞌe tano.

Tito 1:10

Te tumu o tāꞌaku vānaŋa taꞌatoꞌa nei, e Tito ē: rahi riꞌa-riꞌa te nuꞌu o roto i te nūnaꞌa taŋata haka moe i te manaꞌu ꞌi ruŋa i a Ietū ꞌina he haŋa haka ꞌou mo haka roŋo ꞌe mo haꞌatura ki te roŋo parautiꞌa. ꞌI roto i a rāua e ai rō ꞌana te ⌊hūrio⌋ e maꞌu nō ꞌā i te ⌊haka tere iŋa era ꞌa Mōtē⌋, ꞌe e hāpī rō ꞌā ki te nuꞌu pē nei ē: ꞌāmui ki te haka moe i te manaꞌu ꞌi ruŋa i a Ietū e hore takoꞌa te kiri o te kinoŋa. Te meꞌe nei taꞌe he parautiꞌa ꞌe ꞌina e tahi hauhaꞌa. Ka ai atu pē ira, meꞌe rahi nuꞌu e haka roŋo rō ꞌā ki a rāua.

Tanatiako 3:1

E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.

2 Pētero 2:14

ꞌIna e tahi viꞌe taꞌe pohe e rāua mo moe; e ko rohi-rohi mo hara. Te aŋa nō he reo-reo ki te nuꞌu māhatu rehe-rehe; he ꞌaito mo te meꞌe he nou-nou; e ko taꞌe haka ūtuꞌa rāua e te ꞌAtua.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.