Māteo 23:13 - Rapa Nui

¹³ »¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:13 ပူးပေါင်းရင်းမြစ်များ

Māteo 23:16

»¡Ko te ꞌaroha i a kōrua, e te pūꞌoko haka tere matapō ē! E kī ena kōrua: “Te kope hōrea hai Kona Haꞌamuri ꞌAtua e ko ꞌati mo taꞌe haka tano i tāꞌana hōrea; ꞌe, mo hōrea hai piru o rā kona, e haka tano ki tāꞌana hōrea”.

Māteo 23:23

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! O roto o te hoꞌe ꞌahuru ꞌapa o te meꞌe haka ꞌeo kai, he haꞌataꞌa e tahi o rā ŋā ꞌapa mo te ꞌAtua pa he meꞌe kī ꞌi ruŋa i te haka tere iŋa ꞌa Mōtē. Ka ai atu pē ira, ꞌina kōrua he haꞌatura ki te hāpī hopeꞌa o te nui-nui mo te ꞌAtua o ruŋa i rā haka tere iŋa. Rā ŋā meꞌe: he aŋa i te meꞌe tano ki te mata o te ꞌAtua, he ai o te māhatu ꞌaroha, ꞌe he taꞌe haka rē ki te hora hopeꞌa mo haka tano i te meꞌe haŋa e te ꞌAtua. He ŋā meꞌe nei te meꞌe o kōrua mo aŋa ꞌe ꞌina ko taꞌe aŋa te meꞌe raꞌe era.

Māteo 23:25

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E haka tuꞌu ena i a kōrua pa he nuꞌu tano ki te mata o te ꞌAtua ꞌe te kōrua roto e ꞌī rō ꞌā e te fiꞌiꞌi ꞌe e te manaꞌu ki te moni nō, pa he hapaina ꞌo pa he mareti ko tata ꞌā e kōrua a te haho ꞌe te roto ko te ꞌī iŋa ꞌā e te ꞌōꞌone.

Māteo 23:27

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! A kōrua pa he kona tanu pāpaku ko paru ko haka tea-tea ꞌā ꞌe ko haka nehe-nehe ꞌana a te haho, ꞌe te roto ko ꞌī ꞌana e te ivi o te nuꞌu mate ꞌe meꞌe rahi atu meꞌe hano-hano.

Māteo 23:29

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! Te aŋa o kōrua he haka riva-riva ꞌe he haka nehe-nehe i te kona tanu o te perofeta o muꞌa ꞌā ꞌe o te nuꞌu aŋa i te meꞌe tano ki te mata o te ꞌAtua

Māteo 3:7

I takeꞌa era e Iovani meꞌe rahi te ⌊fariseo⌋ ꞌe te ⌊saruseo⌋ i tuꞌu mo papatito, he kī: «¡E te huaꞌai o te kōreha veneno ē! ¿ꞌA ꞌai i kī atu he eꞌa kōrua mai roto i te ūtuꞌa nui-nui ena ko hāhine mai ꞌā?

Ruka 11:52

»¡Ko te ꞌaroha i a kōrua, e te maꞌori o te haka tere hūrio ē!, toꞌo mo kōrua i te tāviri mātaki i te ꞌōpani uru ki te ara parautiꞌa o te ꞌAtua. ꞌE, a kōrua mau ena ꞌā ꞌina he uru ꞌe, takoꞌa, ꞌina he haka rē mo uru i te taŋata e haŋa rō ꞌā mo uru.

Iovani 9:22

I kī ai i te meꞌe nei e tōꞌona ŋā matuꞌa era he riꞌa-riꞌa ꞌo te ꞌite: te nuꞌu hūrio ra-rahi ko haꞌaꞌau era ꞌana mo haka eꞌa mau rō ꞌai mai roto i te hare pure i te nuꞌu kī: a Ietū he ⌊Kiritō⌋.

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.

Iovani 9:34

He kī ia e tū nuꞌu era: —A koe, mai tuꞌu poreko iŋa ꞌā ki te hora nei, he taŋata hara, ꞌe, ¿e haŋa ꞌā koe mo hāpī mai i a mātou? He toꞌo ia e tū nuꞌu ra-rahi era i rā taŋata he haka eꞌa mau rō ꞌai mai roto i te ⌊hare pure hūrio⌋.

Aŋa o te ꞌĀpōtoro 13:8

Tū taŋata tahu-tahu era, ꞌi te ⌊kirieko⌋ te ꞌīŋoa ko Erima, ꞌina he haŋa mo haka moe o te suerekao i te manaꞌu ꞌi ruŋa i a Ietū. ꞌO ira i uꞌi ai i te rāveꞌa ꞌo haka roŋo e te suerekao i te vānaŋa o kuā Sauro.

Aŋa o te ꞌĀpōtoro 5:28

—Ko kī atu ꞌana a mātou mo taꞌe hāpī haka ꞌou o kōrua e tahi meꞌe o ruŋa i te taŋata era ko Ietū. ꞌE, ¿he aha te kōrua meꞌe i aŋa? He ꞌata haka ꞌite he oho o ruŋa i a ia ki te taŋata taꞌatoꞌa ꞌi nei ꞌi Hērutarema, ꞌe ko haŋa takoꞌa ꞌana a kōrua mo tuhi mai i tōꞌona mate ki a mātou.

Aŋa o te ꞌĀpōtoro 5:40

He raŋi mo maꞌu haka ꞌou i tū ŋā ꞌāpōtoro era, he haka tiŋaꞌi hai ꞌuaka, ꞌe he kī mo taꞌe vānaŋa haka ꞌou hai ꞌīŋoa o Ietū. I oti era he haka eꞌa.

Aŋa o te ꞌĀpōtoro 8:1

ꞌE a Sauro e peꞌe rō ꞌā ki tū meꞌe aŋa era ki a ꞌĒteva. He haꞌamata ia, ꞌi rā mahana mau ꞌā, he kimi mo tōtōā i te nuꞌu ⌊haka moe i te manaꞌu⌋ ꞌi ruŋa i a Ietū o Hērutarema. Pē ira rā nuꞌu i maraŋa ai ki kona era ki kona era o Hūrea ꞌe o ⌊Tāmāria⌋; he ⌊ꞌāpōtoro⌋ nō te nuꞌu i taꞌe oho mai ira.

2 Timoteo 3:8

Te nuꞌu hāpī era i te ŋā viꞌe hai reo-reo he nuꞌu manaꞌu taꞌe tano, haka tapa i te rāua manaꞌu mai ruŋa i te ꞌAtua. Pa he taꞌe haka roŋo iŋa era ꞌā o Hane ararua ko Hampere ki a ⌊Mōtē⌋ te taꞌe haka roŋo o rā nuꞌu i te hāpī parautiꞌa o te ꞌAtua.

2 Timoteo 4:15

E hāpaꞌo koe e ia; ꞌina, paꞌi, he haŋa ki te roŋo haka ꞌite e tātou.