Māteo 22:16 - Rapa Nui

¹⁶ He uŋa ki a Ietū i te rāua nuꞌu hāpī ananake ko te nuꞌu peꞌe ki a ⌊ꞌErore⌋ kī: —E te Maꞌori, ko ꞌite ꞌana a mātou: taꞌa meꞌe vānaŋa he parautiꞌa, e hāpī rō ꞌana koe i te ara parautiꞌa o te ꞌAtua, ꞌe ꞌina koe he haka tano i taꞌa vānaŋa ki te manaꞌu o te taŋata; taꞌe, paꞌi, mo haka koa i a rāua koe e vānaŋa ena.

Māteo 22:16 ပူးပေါင်းရင်းမြစ်များ

Māteo 22:24

—E te Maꞌori, pē nei a ⌊Mōtē⌋ i kī ai: mo mate o te kope e tahi ꞌina kai ai te poki ararua ko tāꞌana viꞌe, e hāipo-ipo tōꞌona taina ki te hove o rā kope mo ai o te poki mo maꞌu i te ꞌīŋoa o rā taina mate era ꞌe mo ai o tōꞌona hakaara.

Māteo 22:26

ꞌe kai ai takoꞌa te poki i mate rō ai. Ko tū meꞌe ꞌā te meꞌe i topa ki te toru, ꞌe ꞌātā ki te taꞌatoꞌa o rā ŋā taina.

Māteo 26:18

He pāhono e Ietū: —Ka oho ki Hērutarema, ki te hare o te kope ko ꞌite ꞌā e kōrua ko ai, ꞌai ka kī rō: «Te kī o te Maꞌori: “Ko hāhine ꞌana tōꞌoku hora. ꞌĪ a au he oho atu ki tuꞌu hare ananake ko tāꞌaku nuꞌu hāpī mo aŋa i te ŋoŋoro o te Pakate”».

Māteo 26:49

He haka hāhine a Hura ki a Ietū he ꞌui: —¿Pē hē koe, e te Maꞌori ē? ꞌE he hoŋi a te ꞌāriŋa.

Marko 10:17

I eꞌa era a Ietū mo oho ꞌi tōꞌona ara, he tuꞌu e tahi taŋata e tahuti rō ꞌā, he tū-turi ꞌi muꞌa ꞌe he ꞌui: —E te Maꞌori riva ē, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 12:13

He uŋa ia e rā nuꞌu i te tētahi ⌊fariseo⌋ ꞌe i te nuꞌu ꞌa ⌊ꞌErore⌋ ki muri i a Ietū mo uꞌi i te rāveꞌa mo kī e Ietū i te vānaŋa taꞌe tano mo te rāua haka tere iŋa; pē ira he ravaꞌa e rāua i te ꞌōtohe mo tuhi i te hape.

Marko 12:14

He kī e rā nuꞌu: —E te Maꞌori, ko ꞌite ꞌana a mātou: taꞌa meꞌe kī he parautiꞌa. ꞌIna koe he haka tano i a koe ki te vānaŋa kī e te nuꞌu, ꞌe ꞌina koe he vānaŋa mo haka koa i a rāua. Te meꞌe hāpī ꞌāꞌau he ara parautiꞌa o te ꞌAtua. Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano? ¿E ꞌauhau ꞌo ꞌina?

Marko 3:6

I eꞌa era tū nuꞌu ⌊fariseo⌋ era, he haꞌamata he haꞌaꞌau ananake ko te nuꞌu peꞌe ki a ⌊ꞌErore⌋ mo tiŋaꞌi mo haka mate i a Ietū.

Marko 8:15

He kī e Ietū ki tāꞌana nuꞌu hāpī: —E uꞌi e hāpaꞌo kōrua e te revaura o te fariseo ꞌe e te revaura ꞌa ⌊ꞌErore⌋.

Ruka 20:21

Pē nei rā nuꞌu i ꞌui ai: —E te Maꞌori, ko ꞌite ꞌana a mātou: taꞌa meꞌe kī ꞌe taꞌa meꞌe hāpī he parautiꞌa. ꞌIna koe he haka tano i te vānaŋa mo haka koa i te taŋata. Te meꞌe hāpī ꞌāꞌau he ara mau ꞌana o te ꞌAtua.

Ruka 7:40

He kī e Ietū ki tū fariseo era: —E Tīmona, e ai rō ꞌana tāꞌaku meꞌe mo kī atu. He pāhono e tū kope era: —Ka kī nō mai, e te Maꞌori ē.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 7:18

Te kope vānaŋa hai meꞌe ꞌāꞌana mau ꞌā e haŋa ꞌana mo haka nui-nui i a ia; ꞌe te kope haŋa mo haka nui-nui i te kope uŋa i a ia, ko rā kope te meꞌe kī i te parautiꞌa ꞌe ꞌina he haꞌavare.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

2 Kōrinto 5:16

ꞌO ira a mātou e taꞌe uꞌi haka ꞌou ena i te taŋata hoki a rāua he nuꞌu hōnui ꞌo he nuꞌu taꞌe hōnui, pa he manaꞌu iŋa o te taŋata o te ao nei. Pē ira mātou e uꞌi era i te Kiritō ꞌi muꞌa ꞌā, ꞌe, hora nei, ꞌina he uꞌi haka ꞌou pē ira.

Karatia 1:10

Ki te kōrua manaꞌu, ¿e aŋa nei a au mo koa o te taŋata ꞌo mo koa o te ꞌAtua? ꞌĀhani mo koa o te taŋata, taꞌe ia a au he tāvini o te Kiritō.

Karatia 2:6

Te nuꞌu era ko rāua te pūꞌoko haka tere o ira kai takeꞌa e tahi hape o tāꞌaku meꞌe hāpī. (ꞌE ꞌina a au he tapa atu hoki a rāua he nuꞌu ra-rahi. Te ꞌAtua, paꞌi, ꞌi te hora e uꞌi ena i te tano ꞌe i te taꞌe tano o te meꞌe aŋa e te taŋata, ꞌina he tapa atu hoki he taŋata ra-rahi ꞌo he taŋata taꞌe ra-rahi; mōꞌona pē tū huru tahi ꞌā te taŋata).

1 Tētārōnika 2:4

E vānaŋa ena mātou pa he taŋata tano ki te mata o te ꞌAtua ꞌe haꞌataꞌa e ia mo haka ꞌite i tāꞌana roŋo riva-riva o ruŋa i a Ietū, ꞌe taꞌe ꞌō mo koa o te taŋata; mo koa o te ꞌAtua, kope ꞌite i te meꞌe tano ꞌe i te meꞌe taꞌe tano ꞌi roto i te mātou māhatu.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.