Māteo 22:13 - Rapa Nui

¹³ He kī ia e te ꞌariki ki te nuꞌu maꞌu kai: “Ka here-here a te vaꞌe a te rima, ꞌe ꞌai ka hoa rō ki haho ki roto i te pōhāhā, kona ꞌi ira te taŋi ꞌe te ꞌau-ꞌau raꞌa niho”.

Māteo 22:13 ပူးပေါင်းရင်းမြစ်များ

Māteo 12:29

»¿Pē hē te kope e tahi ana uru ana toꞌo i te meꞌe o roto i te hare o te ꞌaito, mo taꞌe here-here ꞌi raꞌe i rā ꞌaito? Pē ira mau nō, paꞌi, ana ravaꞌa i te meꞌe o roto i rā hare.

Māteo 13:30

Ka haka rē nō pē nā. Ki tuꞌu te ꞌāvaꞌe mo hore i te tariko, he uŋa a au, ꞌi raꞌe, i te nuꞌu he haka here-here hai ruru i rā mauku mo tutu. Ki oti he hāpaꞌo i te tariko ꞌi roto i te hare haꞌaputu tariko”».

Māteo 13:42

He toꞌo he hoa ki roto i te rona e hū rō ꞌā, he kona ꞌi ira te ta-taŋi ꞌe te ꞌau-ꞌau raꞌa niho.

Māteo 13:50

ꞌe he hoa i rā nuꞌu aŋa era i te meꞌe taꞌe tano ki roto i te rona e hū rō ꞌā, he kona ꞌi ira te taŋi ꞌe te ꞌau-ꞌau raꞌa niho».

Māteo 24:51

he haka ūtuꞌa pa he haka ūtuꞌa iŋa i te nuꞌu riva a te haho nō. He toꞌo ia te taŋi ꞌe te ꞌau-ꞌau raꞌa niho o rā tāvini.

Māteo 25:30

ꞌE te tāvini hupe-hupe nei, ka tute ki haho ki roto i te pōhāhā, he kona ꞌi ira te taŋi ꞌe te ꞌau-ꞌau raꞌa niho”.

Māteo 8:12

ꞌE te hūrio, nuꞌu mau era mo rāua rā haka tere iŋa, he tute ki roto i te pōhāhā, he kona ꞌi ira te taŋi ꞌe te ꞌau-ꞌau raꞌa niho.

Ruka 13:28

»ꞌI rā hora mau ꞌā a kōrua ka taŋi ka ꞌau-ꞌau raꞌa niho ena ꞌi te takeꞌa i a ꞌAparahama, i a Itaꞌata, i a Hākovo ꞌe i te perofeta taꞌatoꞌa ꞌi te ao haka tere e te ꞌAtua, ꞌe ꞌi haho a kōrua.

Iovani 21:18

ꞌĪ a au he kī atu: ꞌi te hora ōꞌou e ꞌāpī nō ꞌā, ꞌāꞌau ꞌā te here i tuꞌu pena ꞌe te oho ki te kona nō era ꞌāꞌau i haŋa. ꞌE, ka korohuꞌa ena, he haka toro i tuꞌu rima, he here-here atu ꞌe he maꞌu i a koe ki te kona ꞌina e ko haŋa e koe mo oho.

Aŋa o te ꞌĀpōtoro 21:11

I piri mai era ki a mātou, he toꞌo i te pena o Pauro, he here-here i tōꞌona rima i tōꞌona vaꞌe ꞌe he kī: «O te Vārua Maitai i haka ꞌite mai e here-here rō pē nei e te ⌊hūrio⌋ ꞌi Hērutarema i te taŋata ōꞌona te pena nei, ꞌe ꞌai ka vaꞌai ki te rima o te hau kē».

Aŋa o te ꞌĀpōtoro 7:54

I ŋaroꞌa era i te meꞌe taꞌatoꞌa nei e rā nuꞌu, he ŋuŋu te niho mo ꞌĒteva.

2 Tētārōnika 1:9

Te ūtuꞌa mo te nuꞌu era he ūtuꞌa ꞌina he hopeꞌa raꞌa. ꞌI te mahana ka tuꞌu mai ena mai te raŋi te tātou Pūꞌoko Haka Tere e toꞌo rō i rā nuꞌu e haka ꞌava-ꞌava rō, ꞌo oꞌo ki roto i tōꞌona pūai nui-nui ꞌana-ꞌana. ꞌE a tātou, te nuꞌu haꞌataꞌa taꞌatoꞌa e te ꞌAtua māꞌana, nuꞌu haka moe i te manaꞌu ꞌi ruŋa i a Ietū, e haꞌahana-hana tahi rō ki a ia ꞌe e māere rō ꞌi te meꞌe taꞌatoꞌa aŋa e ia mo tātou. ꞌE, ꞌi te haka moe o kōrua i te manaꞌu ꞌi ruŋa i te meꞌe hāpī atu era e mātou, a tātou taꞌatoꞌa o roto o te nuꞌu haꞌahana-hana ki a ia.

2 Pētero 2:17

Te ŋā maꞌori reo-reo ena pa he pū vai ꞌina he vai o roto, pa he raŋi ena ꞌā e puhia ena ꞌi te tokerau, ꞌe te ūtuꞌa mo rāua he noho mau rō ꞌāvai ꞌi roto i te kona hopeꞌa o te pōꞌuri.

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

Hura 1:13

A rāua takoꞌa pa he vave taparahi-taꞌata, ꞌe te meꞌe taꞌe tano haꞌamā aŋa e rāua pa he kuta-kuta ꞌōꞌone o te vaikava. Te nuꞌu ena takoꞌa pa he hetuꞌu eꞌa mai te rāua ara, ꞌe nā ko ai era ꞌā te ūtuꞌa mo rāua, he noho mau rō ꞌāvai ꞌi roto i te kona hopeꞌa o te pōꞌuri.

Hura 1:6

ꞌE te ŋā merahi taꞌe haka hauhaꞌa era i te rāua tōroꞌa ꞌe hoa era i te rāua kona noho, ko here-here ꞌana e te ꞌAtua hai vivi taꞌe mo pakoꞌo ki te hora hopeꞌa, ꞌe ꞌi te kona pōꞌuri i haka rē ai mo te mahana o te ture hopeꞌa.

Meꞌe Haka Takeꞌa 21:27

ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.