Māteo 21:44 - Rapa Nui

⁴⁴ ꞌE tū māꞌea kī atu ena e au, te kope viri a ruŋa he ꞌota-ꞌota; ꞌe mo viri o rā māꞌea ki ruŋa, he piꞌi-piꞌi tahi.

Māteo 21:44 ပူးပေါင်းရင်းမြစ်များ

Māteo 21:43

»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.

Māteo 21:45

Te ŋā oromatuꞌa ra-rahi era ꞌe te nuꞌu ⌊fariseo⌋, i ŋaroꞌa era i tū ꞌaꞌamu haꞌaauraꞌa era ꞌa Ietū, he ꞌite e vānaŋa ꞌana o ruŋa i a rāua.

Māteo 26:24

ꞌĪ a au he kī atu: te meꞌe taꞌatoꞌa hāꞌaki ꞌi ruŋa i te ⌊Pāpaꞌi Moꞌa⌋ mo topa ki te Poki o te taŋata e ko taꞌe topa; ꞌe, ¡ko te ꞌaroha i te kope māꞌana e vaꞌai ki te nuꞌu! I hau ꞌi te riva mōꞌona ꞌāhani i taꞌe poreko.

Māteo 27:25

He pāhono e te taŋata taꞌatoꞌa: —¡Mo mātou ia ꞌe mo te mātou ŋā poki te hape o te mate o te taŋata ena!

Ruka 2:34

He haꞌamaitai ia e Timione i a rāua ꞌe ꞌai ka kī ki a Māria: «Hai poki nei meꞌe rahi nō atu nuꞌu o Itaraera ka haka ūtuꞌa ena ꞌe meꞌe rahi nō atu nuꞌu ka ravaꞌa ena i te ora ꞌāpī ꞌina he hopeꞌa raꞌa. Mo rā meꞌe i haꞌataꞌa rō ai e te ꞌAtua i te poki nei. E riro rō a ia pa he tāpaꞌo haka takeꞌa i te meꞌe haŋa o te ꞌAtua, ꞌe meꞌe rahi nuꞌu ka taꞌe haŋa ena ki a ia.

Ruka 20:18

»Te kope viri a ruŋa i rā māꞌea he ꞌota-ꞌota; ꞌe mo viri o rā māꞌea ki ruŋa, he piꞌi-piꞌi tahi.

Iovani 19:11

He pāhono e Ietū: —E ko ai i a koe te parau o ruŋa ōꞌoku ꞌāhani i taꞌe haꞌatiꞌa atu e te ꞌAtua. ꞌO ira te kope vaꞌai atu era i a au ki a koe ꞌata hau ꞌi te hara ki a koe.

Rōmano 9:33

māꞌea hāꞌaki ꞌi ruŋa i te Pāpaꞌi Moꞌa: «He haka rē a au i te māꞌea e tahi ꞌi te kona era ko ⌊Tione⌋, māꞌea ꞌi ruŋa ka tu-tuki ena meꞌe rahi nuꞌu. Kope haka moe i tōꞌona manaꞌu ꞌi ruŋa, ki te hora hopeꞌa e ko manaꞌu ko hape ꞌana ꞌō a ia ꞌo te haka moe i te manaꞌu ꞌi ruŋa i rā māꞌea».

1 Tētārōnika 2:16

E haŋa era, paꞌi, mātou mo vānaŋa ki te nuꞌu taꞌe he hūrio o ruŋa i a Ietū, mo eꞌa o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa, ꞌina he haka rē i a mātou e nei ŋā hūrio mo vānaŋa. Pē ira e haꞌaputu e oho ena i te rāua hara ki te roa hopeꞌa. ꞌE hora nei, te meꞌe toe mo rāua he ūtuꞌa o te ꞌAtua.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.