Māteo 21:34 - Rapa Nui

³⁴ »I tano era te ꞌāvaꞌe mo kato, he uŋa i tōꞌona tāvini mo kī ki tū nuꞌu ꞌoka kai era mo haka maꞌu i te ꞌapa vino tano māꞌana.

Māteo 21:34 ပူးပေါင်းရင်းမြစ်များ

Māteo 21:35

He toꞌo mai e rā nuꞌu he ꞌa-ꞌaru i tū ŋā tāvini era: he tiŋaꞌi i te kope e tahi ki te piꞌi-piꞌi, he tiŋaꞌi he haka mate i te rua, ꞌe i te toru he tamaꞌi hai māꞌea.

Māteo 21:38

I takeꞌa era i rā poki, he kī e tū nuꞌu era ki a rāua ꞌā: “Ko te kope era te kope ki a ia ka topa ena te henua nei; ki tiŋaꞌi ki haka mate, ki topa ai te kona nei mo tātou”.

Māteo 21:40

»Iā. Ki te kōrua manaꞌu, hora era mo oho mai o te taŋata era ōꞌona te henua, ¿he aha te meꞌe ka aŋa era ki tū nuꞌu ꞌoka kai era?

Māteo 21:41

He pāhono e rā nuꞌu: —He tiŋaꞌi he haka mate i rā ŋā taparahi-taꞌata; e ko haka ꞌaroha. He vaꞌai i rā henua ki te tētahi nuꞌu ꞌoka kai, he nuꞌu e vaꞌai rō i te ꞌapa vino tano mo te hoa henua ꞌi te ꞌāvaꞌe o te kato.

Māteo 22:3

He uŋa ki tōꞌona tāvini hāꞌaki ki te nuꞌu era mo oho ki rā ŋoŋoro mo oho o rāua, ꞌe ꞌina rā ŋā nuꞌu kai haŋa.

Marko 12:1

He haꞌamata a Ietū he vānaŋa hai ꞌaꞌamu haꞌaauraꞌa. He kī: «E tahi taŋata he ꞌoka i te vino ꞌe he puru hai ꞌāua. He aŋa i te kona mo aŋa o te ꞌava ꞌe he haka tuꞌu i te kona ruŋa nui mo ꞌauario. I oti era he haꞌaꞌau ananake ko te nuꞌu ꞌoka kai mo aŋa e rā nuꞌu i rā henua ꞌe mo ꞌauhau ki a ia i te ꞌapa vino tano māꞌana mo te hoa henua. He haka rē ia ki rā nuꞌu ꞌe he eꞌa he oho rō ꞌai.

Marko 12:7

»I takeꞌa era e tū nuꞌu ꞌoka kai hāpaꞌo vino era i rā poki, he kī ki a rāua ꞌā: “Ko te kope era te kope ki a ia ka topa ena te henua nei; ki tiŋaꞌi ki haka mate, ki topa rō mai ai te kona nei mo tātou”.

Marko 12:9

»Iā. Ki te kōrua manaꞌu, ¿he aha te meꞌe ka aŋa era ki rā nuꞌu e te taŋata era ōꞌona rā henua? ꞌĪ a au he kī atu: he tiŋaꞌi i rā nuꞌu he haka mate, ꞌe he vaꞌai i rā henua ki te tētahi nuꞌu mo hāpaꞌo.

Ruka 20:9

He haꞌamata a Ietū he ꞌaꞌamu ki te taŋata i te ꞌaꞌamu haꞌaauraꞌa nei: «E tahi taŋata he ꞌoka i tōꞌona ꞌāua hai vino. I oti era he haꞌaꞌau ananake ko te nuꞌu ꞌoka kai mo aŋa i rā henua ꞌe mo ꞌauhau ki a ia i te ꞌapa vino tano māꞌana mo te hoa henua. I oti era he eꞌa he oho ki te rua henua.