Māteo 21:32 - Rapa Nui

³² A Iovani Papatito, paꞌi, i oho mai ai mo hāpī atu pē hē kōrua ana tano ki te mata o te ꞌAtua ꞌe ꞌina e kōrua kai haka roŋo. O te nuꞌu haka ꞌauhau i te taŋata hai moni mo te rōmano ꞌe o te ŋā viꞌe taiꞌo i haka roŋo ꞌe i haꞌatura. ꞌE, ka ai atu i takeꞌa rō e kōrua i te meꞌe taꞌatoꞌa nei, ꞌina kōrua kai huri te manaꞌu ki ruŋa i te ꞌAtua, ꞌe mo kōrua te meꞌe kī e Iovani taꞌe he parautiꞌa.

Māteo 21:32 ပူးပေါင်းရင်းမြစ်များ

Māteo 11:18

»Te auraꞌa: ko tuꞌu mai ꞌana a Iovani Papatito e tapu rō ꞌana i te kai ꞌe ꞌina he unu i te ꞌava; i kī ai e kōrua ko oꞌo ꞌana e te tātane.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

2 Timoteo 2:25

E ꞌite takoꞌa i te kī, hai māhatu maꞌitaki, i te hape o te nuꞌu taꞌe haka roŋo, koiꞌite ꞌi te riva rahi o te ꞌAtua, he huri i te rāua manaꞌu ki a ia, ꞌe he ꞌite i te parautiꞌa o ruŋa i a Ietū Kiritō,

ꞌEvereo 3:12

E te taina, e uꞌi ꞌo ai te kōrua māhatu taꞌe tano taꞌe ⌊haka moe i te manaꞌu⌋ ꞌi ruŋa i te ꞌAtua ora, ꞌo haꞌataꞌa rō kōrua mai muri i a ia.

2 Pētero 2:21

I hau rō atu ꞌi te tano ꞌāhani i taꞌe ꞌite o ruŋa i te ara tī-tika o te ꞌAtua, ki te māhani ꞌe ꞌai ka hārui hai tuaꞌivi i te roŋo moꞌa o te ꞌAtua vaꞌai ki a rāua.

Meꞌe Haka Takeꞌa 2:21

I vaꞌai rō au i te hora mo huri o tōꞌona manaꞌu ki te ꞌAtua ꞌe ꞌina kai haŋa, ꞌe kai haŋa takoꞌa mo haka rē i tāꞌana meꞌe aŋa he moe i te kenu taꞌe ꞌāꞌana.