Māteo 21:31 - Rapa Nui

³¹ ¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 21:31 ပူးပေါင်းရင်းမြစ်များ

Māteo 12:50

Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 18:3

ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 20:16

He kī ia e Ietū: «Pē ira te haka tere iŋa ꞌāpī o te ꞌAtua ka ai ena: te nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe; ꞌe te nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa».

Māteo 21:30

»He kī e te matuꞌa ko tū meꞌe ꞌā ki te rua poki. He pāhono e rā poki: “Ko tano ꞌā, e oho rō a au”. »ꞌE ꞌina rā poki kai oho.

Māteo 5:18

ꞌĪ a au he kī atu i te parautiꞌa: mo ai nō o te raŋi ꞌe o te henua, ꞌina e tahi tiꞌaraꞌa ka hopeꞌa atu te ꞌiti-ꞌiti o ruŋa i te haka tere iŋa o te ꞌAtua mo haka kore ꞌātā ka haka tano tahi rō te meꞌe hāꞌaki o ruŋa.

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Māteo 7:21

»Taꞌe taꞌatoꞌa nuꞌu kī mai: “E tōꞌoku Pūꞌoko Haka Tere ē”, mo oꞌo ki roto i te haka tere iŋa ꞌāpī o tōꞌoku Matuꞌa ꞌi te raŋi; te nuꞌu mau nō mo oꞌo he nuꞌu aŋa i tāꞌana meꞌe haŋa.

Māteo 9:9

He oho ia a Ietū mai tū kona era, he takeꞌa i te taŋata e tahi te ꞌīŋoa ko Māteo e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī: «Ka oho mai koe mo taŋata hāpī ꞌāꞌaku». He eꞌa a Māteo he oho ꞌi muri.

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 19:22

»He kī e tū ꞌariki era: “E te tāvini taꞌe tano ē, hai taꞌa vānaŋa mau ena ꞌā ka haka ūtuꞌa ena koe e au. Mo ai e ꞌite riva-riva rō ꞌā e koe pē hē tōꞌoku huru,

Ruka 7:29

»Te nuꞌu taꞌatoꞌa ŋaroꞌa i a Iovani, ꞌātā ki te ⌊nuꞌu haka ꞌauhau i te nuꞌu hai moni mo te rōmano⌋, i haka ⌊papatito⌋ rō i a rāua ki a Iovani mo haka tano ki te meꞌe hāꞌaki e te ꞌAtua.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Aŋa o te ꞌĀpōtoro 17:30

Ko haka rehu ꞌā e te ꞌAtua te meꞌe aŋa e te taŋata ꞌi muꞌa ꞌā, he taꞌe aŋi-aŋi e rāua. ꞌE, hora nei, ꞌī e haka ꞌite ꞌā i tāꞌana roŋo ki te taŋata ꞌi te kona taꞌatoꞌa mo huri o te manaꞌu ki a ia ꞌe mo haka rē i te rāua ara taꞌe tano.

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

2 Pētero 3:9

Taꞌe he ŋeꞌi o te ꞌAtua e taꞌe topa ena te meꞌe kī e ia, pa he meꞌe manaꞌu e te tētahi nuꞌu. Te parautiꞌa, e tiaki ꞌana ki a kōrua hai haumārū ꞌi te meꞌe era ꞌina he haŋa mo mate e tahi nuꞌu. Tāꞌana meꞌe haŋa he huri o te manaꞌu o te taŋata taꞌatoꞌa ki a ia.